11 months ago
December 16, 2023
एजेन्सी – प्रिमियर लिगको पछिल्लो तीन सिजनको विजेता म्यानचेस्टर सिटी शनिबार अन्तिम समयमा गोलको सामना गर्दै बराबरीमा रोकिएको छ ।
२-० को अग्रता रहेको सिटी खेलको अन्त्यतिर सम्हालिन नसक्दा क्रिस्टल प्यालेस विरुद्ध २-२ को बराबरीमा रोकिएको छ ।
यसअघिका दुई खेलमा जस्तै स्टार स्ट्राइकर एर्लिङ हालान्ड विना मैदानमा उत्रिएको सिटीले २४औं मिनेटमा अग्रता लिएको थियो । फिल फोडेनको पासमा ज्याक ग्रिलिसले गोल गर्दै खेलमा सिटीलाई अग्रता दिलाएका थिए ।
सिटीको दोस्रो गोल भने ५४औं मिनेटमा निस्केको थियो । रिको लुइसले गोल गर्दै सिटीको अग्रतालाई दोब्बर बनाएका थिए ।
तर खेलको अन्त्यतिर सिटीले लय गुमायो । जेफ्री स्लुपको क्रसमा जिन-फिलिप मटेटाले ७६ औं मिनेटमा गोल गर्दै प्यालेसलाई खेलमा फर्काएका थिए ।
इन्ज्युरी समयको चौथो मिनेटमा सिटीले पेनाल्टी दियो । फोडेनले मटेटालाई बक्स भित्रबाट फाउल गरेपछि प्यालेसले खेलमा बराबरी गर्ने अवसर प्राप्त गर्यो । पेनाल्टीमा माइकल ओलिसेले सहजै गोल गर्दै प्यालेसलाई एक अंक दिलाएका हुन् ।
बराबरी पछि सिटी १७ खेलमा ३४ अंकसहित चौथो स्थानमा नै छ । प्यालेस भने १७ खेलमा १७ अंक सहित १५औं स्थानमा छ ।
October 30, 2024
काठमाडौं (हाम्रो खेलकुद) – राजेन्द्र तामाङले राष्ट्रिय महिला फुटबल टोलीको मुख्य प्रशिक्षक पद गरेको बताएका छन् । महिला साफ च्याम्पियनसिपको फाइनलमा बुधवार बंगालादेशसँग २-१ ले पराजित भएपछिको पोस्ट म्याच कन्फ्रेन्समा अब राष्ट्रिय महिला टोली नहेर्ने बताएका हुन्। ‘अब महिला राष्ट्रिय टोली हेर्दिन’, उनले भने ,’सायद अब क्लब हेर्छु होला ।’ तामाङको नेतृत्वमा महिला टोलीले गत […]
October 30, 2024
सुबास हुमागाईं, काठमाडौं साविक विजेता बंगलादेशले घरेलु टोली नेपाललाई हराउँदै लगातार दोस्रो पटक साफ महिला च्याम्पियनसिपको उपाधि जितेको छ । दशरथ रंगशालामा बुधबार सम्पन्न फाइनलमा नेपाललाई २-१ ले हराउँदै बंगलादेशले उपाधि रक्षा गर्यो । बंगलादेशका लागि मोनिका चक्मा र ऋतु पोर्ना चक्माले १-१ गोल गरे । नेपालको लागि अमिशा कार्कीले बराबरी गोल फर्काएपनि नेपाल खेलमा […]
October 30, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत नेपाल र बंगलादेशबीच जारी फाइनलको पहिलो हाफ गोलरहित बराबरीमा सकिएको छ । दुवै टोलीले पहिलो हाफमा पाएको अवसर सदुपयोग गर्न सकेका छैनन् । सुरुवाती १० मिनेटमा नै दुवै टोलीको प्रहार क्रसबारमा लागेको थियो । बंगलादेशकी गोलरक्षक रुपना चक्माले आज लगातार गल्ती गरिरहेकी छिन् । खेलको पहिलो […]
