8 years ago
January 23, 2017
पोखरा (हाम्रो खेलकुद)– राष्ट्रिय फुटबल टोलीका पूर्व खेलाडी नवीन न्यौपानेका प्रशिक्षकका रुपमा पछिल्लो छ महिना निकै अर्थ पूर्ण रहेको छ ।
खेलाडी प्रशिक्षकका रुपमा झन्डै दुई दशक लक्ष्मी हुन्डाई मनाङ मस्र्याङ्दीमा रहेका न्यौपानेले विभागिय टोली सम्हालेको ६ महिना मात्र पुग्दैछ । यो छ महिनाको बीचमा उनको नेतृत्व हेर्ने हो भने लोभलाग्दो नै छ । उनको प्रशिक्षणमा आर्मीले ७ वटा प्रतियोगिता खेल्दा ६ वटाको फाइनलमा पुगिसकेको छ । त्यसमध्ये नेपाल कप, दुहबी गोल्डकप, टेबोर्ग हेटौडा गोल्डकप जितेको आर्मी विकास रनिङ र सातौं राष्ट्रिय खेलकुदमा दोस्रो भएको थियो । सुरुगां गोल्डकप र सुदूरपश्चिमाञ्चल खप्तड गोल्डकपमा भने पहिलो चरणबाटै बाहिरिएको थियो । अहिले आर्मी अर्को मिसन लिएर पोखरा आइपुगेको छ । १५ औं आहा रारा गोल्ड कप फुटबल प्रतियोगितामा क्वार्टरफाइनलबाट आर्मीले पोखरा मिसनको सुरुआत गर्दैछ । राष्ट्रिय फुटबलमा स्थापित हुने क्रममा रहेको झापा ११ सँग खेल्दै आर्मीले यसपटकको यात्रा सुरु गर्दैछ । काँकरभिट्टा गोल्डकप जितेर पोखरा आइपुगेको झापा फर्ममा रहेको टोली हो । पछिल्ला दुई बर्षले घरेलु फुटबलमा उच्च प्रदर्शन गर्ने मध्येको झापाले एएनए यूएसएलाई ४–१ ले हराएर आहा राराको यात्रा सुरु गरेको थियो । दुवै टोली प्रशिक्षकले एकअर्काको टोलीको सम्मान गर्दै जित्ने अपेक्षा राखेका छन् । चोटग्रस्त कप्तान योगेश गुरुङलाई लिएर झापाका प्रशिक्षक सञ्जय राई उत्साहित छन् । ‘हाम्रो टोलीको मनोबल उच्च छ ’ राईले भने, ‘सबै खेलाडी फिट छन् । योगेश फर्केकोले हाम्रो टोली थप बलियो भएको छ ।’ टोलीका मुख्य स्ट्राइकर कर्ण सुब्बा लिम्बु फर्ममा छन् भने टोलीका अन्य खेलाडीले पनि उच्च प्रदर्शन गर्दैै आएका छन् । आर्मीलाई बलियो टोली मान्ने राई भन्छन्,‘राम्रो टोलीसँग खेल्दा अर्को आनन्द आउँछ । बराबरीको टक्कर हुन्छ । हामी जित्ने प्रयास गर्नेछौं ।’ यो बर्ष आर्मी र झापा पहिलो पटक एकअर्काको सामना गर्दैछन् ।
उता आर्मीका प्रशिक्षक न्यौपाने अहिले सम्म जित्न नसकेको आहा रारा गोल्डकप जिताउनेमा दृढ छन् । खेलाडीका रुपमा मनाङले जितेका चारै संस्करणमा सदस्य रहेका न्यौपाने यसपटक प्रशिक्षकका रुपमा जित्नेमा आशावादी छन् । ‘आर्मीले तीन पटक फाइनल खेलेर पनि आहा जित्न सकेको छैन ’ उनले भने, ‘यसपटक पनि हामी च्याम्पियन बनेर फर्कने लक्ष्यका साथ यहाँ आएका छौं । आहा गोल्डकप जित्नुको घरेलु फुटबलमा ठूलो महत्व छ । जित्न सक्दा क्लबका लागि ठूलो सफलता हुनेनै छ, मेरालाई पनि राम्रो हुनेछ ।’ तर पनि झापा जस्तो बलियो टोलीलाई जित्नु सहज नहुने न्यौपानेले राम्ररी बुझेका छन् । ‘झापाले राम्रो गरिरहेको छ’ उनले भने, ‘हामीले पनि राम्रै गरिरहेका छौं । आज सफलता मिल्नेमा हामी आशावादी छौं । टोली मानसिक रुपमा त्यसका लागि तयार छ । खेलाडी पनि सबै फिट छन् ।’ राष्ट्रिय टोलीका स्ट्राइकरद्वय भरत खवास र नवयुग श्रेष्ठ तथा गोलकिपर विकेश कुथु टोलीका मुख्य खेलाडी हुन् । सन्तोष लामा र टोलीका अन्य खेलाडीले पनि उच्च प्रदर्शन गर्नुले टोली एउटा सम्पूर्ण रुपमा बलियो टोलीका रुपमा स्थापित छ । न्यौपानेले २०५४ साल देखि २०७२ सम्मबीचको ४ बर्षबाहेक उनी मनाङमा आबद्ध रहे । खेलाडीका रुपमा मनाङमा चार पटक ए डिभिजन लिग, ४ पटक आहा रारा गोल्डकप लगायत घरेलु फुटबलका लगभग सबै उपाधि जितेका छन् । अब उनको लक्ष्य प्रशिक्षकका रुपमा आर्मीलाई जति सक्दो उपाधि दिलाउनु रहेको छ । २०६३ देखि दुई बर्ष एनआरटी र त्यसपछिको दुई बर्ष हिमालयन शेर्पामा खेलेर उनी पुनः मनाङ फर्केका थिए । मनाङमा उनले पछिल्लो एक बर्ष प्रशिक्षकको भुमिका निर्वाह गरे । खेलाडीका रुपमा एक बर्ष प्रतिबन्धमा पर्दा उनले मनाङलाई मंगोलियामा भएको एएफसी प्रेसिडेन्ट्स कपमा छनोट चरण पार गराएका थिए । घरेलु फुटबलमा अलराउन्डरको छवि बनाएका न्यौपानले सन् २००० देखि २००८ सम्म राष्ट्रिय टोलीबाट खेलेका थिए । जहाँ उनले १८ अन्तर्राष्ट्रिय खेलमा देशको प्रतिनिधित्व गरे । व्यवसायिक फुटबल खेलाडीका रुप सफलता प्राप्त गरेका न्यौपानेलेको अहिले लक्ष्य प्रशिक्षकका रुपमा पनि त्यत्तिनै सफल हुनु रहेको छ ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]