9 months ago
December 11, 2023
काठमाडौं (हाम्रो खेलकुद) – इन्ज्युरी समयमा उज्बेकी फरवार्ड जोकिर उगली शोख्रुखले गोल गरेपछि नेपाल सुपर लिग २ अन्तर्गत सोमबार सम्पन्न खेलमा काठमाडौं रेजर्स फुटबल क्लबले पोखरा थन्डर्सलाई पराजित गरेको छ ।
दशरथ रंगशालामा पोखराले दोस्रो हाफमा अग्रता लिएपनि काठमाडौंले अन्त्यतिर ८ मिनेटको अन्तरमा दुई गोल गर्दै २-१ को रोमान्चक जित दर्ता गर्यो । पहिलो हाफमा काठमाडौंविरुद्ध हावी बनेको पोखराले यस सिजन पहिलो खेल खेलिरहेका गोलरक्षक एन्जल श्रेष्ठलाई बिट गर्न सकेन ।
दोस्रो हाफमा अग्रता लिएपनि अन्त्यतिर डिफेन्सले लगातार गल्ती गर्दा काठमाडौं जित हासिल गर्न सफल रह्यो । पोखराले सिजनको पहिलो हारको सामना गर्दा काठमाडौंले भने पछिल्लो हार बिर्साएको छ ।
यस जितले काठमाडौं ८ अंक जोड्दै धनगढीको साथमा शीर्ष ३ मा अटेको छ । शीर्षस्थानको ललितपुरको ९ अंक छ । पोखरा ८ अंकसाथ तेस्रो स्थानमा छ ।
चौथो मिनेटमा पोखराका मोसेस ग्याबाको प्रहारले पोस्टको दिशा लिन सकेन । १२औं मिनेटमा पोखराकै सुरज जिउ ठकुरीको क्रसमा फ्रान्कलिन टाल्लाको हेडर प्रहार पोस्टको माथिबाट बाहिरियो ।
१४औं मिनेटमा आयुष घलानको पास रोक्ने क्रममा आन्द्रेस निया मिडफिल्डमा चिप्लिएपछि मोसेसले अवसर पाएका थिए तर उनको प्रहार डिफलेक्ट भएर बाहिरियो ।
१८औं मिनेटमा शोखरुख र खमीर गिलशनको राम्रो तालमेल मिलिरहेको बेला अन्जन राईले शोखरुखका लागि खेलेको पास असफल रहँदा मौका सिर्जना हुन सकेन । काउन्टरमा माेसेसको प्रहार एन्जलले बचाउन सफल भए ।
२७औं मिनेटमा राजीव लोप्चनको क्रस शोखरुखले नियन्त्रणमा।लिन नसकेपछि प्रहार गर्न सकेनन् । दुई मिनेट पश्चात उनकै फ्रिकिक यभ्स प्रिसोले बचाए ।
३४औं मिनेटमा पोखराका मार्कि खेलाडी आयुष घलानको थ्रु पासमा मोसेसको प्रहारमा एन्जलले हात लगाएपछि बल पोस्ट तर्फ अघि बढेको थियो तर नियाले सो बललाई क्लियर गरिदिए ।
३५औं मिनेटमा सुरजको कर्नरमा मोसेसको प्रहार एन्जल बिट भएपछि राजीव लोप्चनले गोल लाइनबाट क्लियर गरिदिए । ३८औं मिनेटमा सुरजको क्रसमा माेसेसले प्रहार गरेको हेडर क्रसबारको माथिल्लो भागमा लागेर बाहिरियो ।
४५औं मिनेटमा काठमाडौँका लागि पहिलो हाफको बीचमा खमीर गिलशनको ठाउँमा मैदान प्रवेश गरेका मार्की खेलाडी हिसुब थपलियाको क्रसमा एन्केन्गवेको फ्रि हेडर पोस्ट तर्फ गएन ।
४७औं मिनेटमा दिपेश आले मगरको पासमा माेसेस पुग्नु अघि एन्जल लाइन अगाडि आएर समाते । अर्को मिनेटमा सोही कम्बिनेसन पछि माेसेसले अन्नोरका लागि खेलेको क्रस एन्जलले नै सहजै समाते ।
५९औं मिनेटमा पोखराले खेलमा अग्रता कितो गर्यो । अन्नोरको बक्स बाहिर बाट लिएको प्रहार एन्जलले समात्न नसकेपछि आयुष घलान पुगेर बल एन्जल लाई बिट गर्दै खेलमा अग्रता बनाए ।
७२औं मिनेटमा माेसेस दायाँ फ्लान्कमा खाली भएको अवस्थामा दिपेशको लागि खेल्न खोजेको क्रस नियाले क्लियर गरे । बक्समा निया मात्र एक रक्षक रहेका थिए ।
७३औं मिनेटमा आयुषको माेसेसका लागि खेलेको क्रसमा उनले प्रहार गर्न सकेनन् ।
८२औं मिनेटमा माेसेसको प्रहार एन्जलले बचाएपछि पोस्ट तर्फ गइरहेको बेलामा नियाले क्लियर गरे । अर्को मिनेटमा काठमाडौँले बराबरी गर्यो ।
दिपेश गुरुङको पासमा एन्केन्गवेले बक्सको छेउ बाट कुना च्यापेर गरेको प्रहार प्रिसोले बचाउन सकेनन् र काठमाडौं खेलमा फर्कियो ।
थपिएको समयको तेस्रो किनेटमा भने काठमाडौँले गोल गर्दै जित सुनिश्चित गर्यो । गोलमा उज्बेकी जोडी शोखरुख र तोजिदीनोभको कम्बिनेसन रहेको थियो ।
तोजीदिनोभले मध्य भाग बाट खेलेको लामो पासमा शोखरुखले लाईन बाहिर आएका प्रिसोलाई चिप गर्दै बिट गरेर गोल गरेका थिए ।
मंगलबार हुने खेलमा झापा फुटबल क्लब र बुटवल लुम्बिनी एफसी खेल्नेछन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]