10 months ago
December 10, 2023
एजेन्सी – इंग्लिश प्रिमियर लिग अन्तर्गत आईतबार भएका खेलमा म्यानचेस्टर सिटीले जित हासिल गर्दा चेल्सी भने पराजित भएको छ ।
स्टार स्ट्राइकर एर्लिङ हालान्ड बिना नै मैदानम उत्रिएको म्यानचेस्टर सिटीले लुटन टाउन विरुद्ध २-१ को पुनरागमन जित दर्ता गर्दा चेल्सी भने एभर्टन विरुद्ध २-० को हार बेहोर्न पुग्यो ।
प्रिमियर लिगमा गत चार खेलमा एक हार र तीन बराबरी गर्दै जित हासिल गर्न नसकेको सिटी लुटन विरुद्ध पनि सुरुमा गोल खान पुग्यो । एन्ड्रोस टाउनसेन्डको क्रसमा इलाइजाह अडेबायोले पहिलो हातको अन्त्यतिर हेडर मार्फत गोल गर्दै घरेलु टोलीलाई अग्रता दिलाएका थिए ।
तर सिटीले दोस्रो हाफमा तीन मिनेटको अन्तरालमा दुई गोल गर्दै पुनरागमन गर्यो । ६२औं मिनेटमा बर्नार्डो सिल्भाले गोल गर्दै खेल बराबरीमा ल्याएका थिए । त्यसको तीन मिनेट पछि जुलियन अल्भारेजको पासमा ज्याक ग्रिलिशले गोल गर्दै सिटीको पुनरागमन सफल पारे ।
जित पछि सिटी १६ खेलमा ३३ अंकसहित चौथो स्थानमा छ । पराजित लुटन भने १६ खेलमा ९ अंक सहित १८औं स्थानमा छ ।
उता चेल्सी भने एभर्टन विरुद्ध २-० ले पराजित भयो । फाइनान्सियल फेयर प्लेका कारणले १० अंक घटाइएको एभर्टनको जितमा अब्दुलाए डोकोरे र लुइस डोबिनले १-१ गोल गरे ।
जित पछि एभर्टन १६ खेलमा १३ अंकसहित १७औं स्थानमा छ । चेल्सी भने १६ खेलमा १९ अंकसहित १२औं स्थानमा छ ।
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]
October 17, 2024
सन्जोग चाम्लिङ राई प्राकृतिक विपत्तिले धेरै जनधनको क्षति भएको सबैलाई विदितै छ । दुर्भाग्य हो, ६ जना बाल फुटबल खेलाडीहरुलाई पनि यसपालीको विपत्तिले छोडेन । उनीहरुको सपनाको पनि मृत्यु भयो । नेपाली फुटबलले सम्भावित राष्ट्रिय टिमको खेलाडीहरु गुमायो । उनीहरुप्रति श्रद्धासुमन । पंक्तिकारमा संशय छैन, एन्फा महासचिवको तलब १० हजार डलर हुनु पर्छ । त्यसैगरी […]
