9 months ago
December 8, 2023
काठमाडौं (हाम्रो खेलकुद) – दोस्रो संस्करणको नेपाल सुपर लिगमा आज तालिकाको पुछारमा रहेका दुई टोली झापा एफसी र वीरगन्ज युनाइटेड एफसी बीच खेल हुने छ । यी दुई नवप्रवेशी टोली बीचको खेल दशरथ रंगशालामा साँझ ५ बजे सुरु हुनेछ ।
दुवै टोलीलाई प्लेअफमा पुग्ने सम्भावना बलियो बनाउन जित्नै पर्ने अवस्था छ । लिगको शीर्ष ४ टोलीले मात्र प्लेअफमा स्थान बनाउने छन् । हालसम्म समान ३-३ खेल खेल्दा दुवै टोलीले जित हासिल गर्न सकेका छैनन् ।
पहिलो खेलमा स्पोर्टिङ्ग इलाम एफसी विरुद्ध १-० को हार बेहोरेको झापाले त्यसपछिको खेलमा पोखरा विरुद्ध १-१ को बराबरी खेल्दा तेस्रो खेलमा भने काठमाडौं विरुद्ध गोलरहित बराबरी खेलेको थियो ।
उता वीरगन्जले भने पहिलो दुई खेलमा धनगढी र चितवन विरुद्ध समान २-१ को हार बेहोरेको थियो । पछिल्लो खेलमा भने वीरगन्जले बलियो मानिएको ललितपुर विरुद्ध २-२ को रोमाञ्चक बराबरी खेलेको थियो ।
पछिल्लो खेलमा झापा स्टार फरवार्ड अन्जन विष्ट बिना नै मैदानमा उत्रिएको थियो । अन्जन आज खेल्ने नखेल्ने भन्ने प्रश्न पनि रहिरहेको छ । मिडफिल्डर आवास लामिछाने पछि पछिल्लो खेलको अन्त्यपछि एम्बुलेन्समा मैदान छाडेका थिए । झापाले मिडफिल्डर लाकेन लिम्बुलाई भने यस संस्करणको पहिलो खेल देखि नै चोटका कारण उतार्न पाएको छैन । त्यस्तै अमेरिकी खेलाडी दिराज थजाली पनि नाक भाँचिएका कारण बाहिर छन् ।
वीरगन्जले पछिल्लो खेलमा हाफ टाइममा दुई परिवर्तन गरेको थियो । बिरामी भएका कारण सुरुवाती खेल गुमाएका सुभाष गुरुङ पनि आज खेल्ने सम्भावना छ ।
आज जित हासिल गर्न सकेमा आठौं स्थानमा रहेको झापाले चौथो र पाँचौं स्थानमा रहेका काठमाडौं र चितवनको अंक बराबरी गर्ने छ ।य स्तै वीरगन्जले जित हासिल गर्न सकेमा छैठौं स्थानमा उक्लिने छ ।
पोखरा थन्डर्स चार खेलमा आठ अंक बटुल्दै तालिकाको शीर्ष स्थानमा छ ।
September 8, 2024
काठमाडौं (हाम्रो खेलकुद) – बार्सिलोना फ्यान क्लब नेपाल (बार्सा नेपाल ) का रूपमा परिचित क्याटलान क्लब एफसी बार्सिलोनाको समर्थक समूहले एफसी बार्सिलोनाको आधिकारिक पेन्या (समर्थक क्लब) को मान्यता प्राप्त गरेको छ । पेन्या बार्सा दी एभरेस्टको नयाँ नाममा क्लबले आधिकारिकता प्राप्त गरेको हो । शनिबार एक कार्यक्रममाझ समर्थक क्लबले आफ्नो दर्ता पूरा भएको उपलक्ष्यमा भेटघाट कार्यक्रमको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]