एजेन्सी – खराब लयबाट गुज्रिरहेको म्यानचेस्टर युनाइटेडले इंग्लिस प्रिमियर लिग अन्तर्गतको खेलमा चेल्सीलाई पराजित गरेको छ ।

घरेलु मैदानमा २-१ को जित निकाल्ने क्रममा युनाईटेडका लागि स्कट मक्टोमिनेले दुवै गोल गरे । उता चेल्सीका लागि भने कोल पाल्मरले एक गोल गरेका थिए ।

खेलको आठौं मिनेटमा सुरुवाती समय देखिनै आक्रामक खेलेको युनाइटेडले पेनाल्टी मार्फत गोल गर्ने मौका पाएको थियो । एन्जो फर्नान्डेजले एन्टोनीमाथि बक्स भित्र फाउल गरेपछि युनाइटेडले पेनाल्टीमा गोल गर्ने अवसर पायो। तर कप्तान ब्रुनो फर्नान्डेजको पेनाल्टी चेल्सी गोलरक्षक रोबर्ट सान्चेजले बचाए ।

१९औं मिनेटमा युनाइटेडले अग्रता लिन सफल भयो। ह्यारी मग्वायरको प्रहार ब्लक भएपछि रिबाउन्डमा मक्टोमिनेले गोल गर्दै खेलमा अग्रता दिलाए । तर पहिलो हाफको अन्तिम समयमा चेल्सीको खेलमा बराबरी गर्यो। मुखाएलो मुड्रीकको पासमा पाल्मरले बक्स भित्रबाट सटिक फिनिश गर्दै खेल बराबरीमा ल्याए ।

६९औं मिनेटमा युनाइटेडले खेलमा पुनः अग्रता लियो । अलेहान्द्रो गार्नाचोको क्रसमा मक्टोमिनेले हेडर मार्फत गोल गर्दै खेलमा पुनः अग्रता दिलाए। अन्त्यमा सोही गोल जितका लागि पर्याप्त भयो ।

जित पछि युनाइटेडको १५ खेलमा २७ अंक जोड्दै छैठौं स्थानमा छ। उता पराजित चेल्सी भने समान १५ खेलमा १९ अंक सहित दशौं स्थानमा छ ।