1 year ago
December 5, 2023
दिपक बोहरा, पाँचथर
ताप्लेजुङको कर्ण सिंह सोनाम स्मृति क्लब पाँचथरमा जारी प्रथम किराँत गोल्डकपमा सेमिफाइनल प्रवेश गरेको छ । ए डिभिजन क्लब हिमालयन शेर्पालाई मंगलबार ४–३ ले हराउँदै कर्ण सिंह सोनाम अन्तिम चारमा पुगेको हो ।
कर्ण सिंहका लागि प्रविण जवेगुले २ तथा मन्जित येङ्देन र दिपेश लिम्बुले समान १ गोल गरे । हिमालयनका लागि ओस्कार, वसन्त ओझाले गोल गरे । एक गोल आत्मघाती भएको थियो ।
फिदिम माविको मैदानमा भएको अन्तिम क्वाटरफाइनलमा तेस्रो मिनेटमा मिन्जतको गोलबाट कर्ण सिंहले अग्रता लिएको थियो । ओस्कारले २१औँ मिनेटमा हिमालयनका लागि बराबरी गोल गरे । प्रविणको गोलमा ४० औं मिनेटमा कर्ण सिंहले पुनः अग्रता लिएको थियो । हिमालयनका लागि बसन्त ५१औं मिनेटमा बराबरी गोल गरे ।
२–२ गोलको बराबरी खेलमा कर्ण सिंहका लागि दिपेशले गोल गरेपछि टोलीले पुनः अग्रता लियो । ताप्लेजुङका आशिष लिम्बुले ६९औं मिनेटमा आत्मघाती गोल गरेपछि खेलमा तेस्रो पटक बराबरी भएको थियो । ७७औँ मिनेटमा प्रविणले गोल गरेपछि कर्ण सिंहको जित निश्ति भएको थियो ।
कर्ण सिंहका गोलकिपर आकाश लिम्बु म्यान अफ दी म्याच बने र उनले ५ हजार रुपैयाँ प्राप्त गरे । कर्ण सिंहले सेमिफाइनलमा झापाको बिर्तामोड युनाइटेडको सामना गर्नेछ ।
बुधबार पहिलो सेमिफाइनलमा आयोजक पाँचथर एफसी र मोरङको डाँगीहाट एफसीबीच प्रतिस्पर्धा हुनेछ । गोल्डकप विजेताले ४ लाख ४ हजार ४ सय ४४ र दोस्रो टोलीले २ लाख २ हजार २ सय २२ रुपैयाँ प्राप्त गर्नेछ ।
January 22, 2025
काठमाडौं( हाम्रो खेलकुद)- एन्फा महिला लिगको अन्तिम चरण अन्तर्गत लिगको अन्तिम खेलमा एपिएफ फुटबल क्लबले त्रिभुवन आर्मी फुटबल क्लबलाई २-१ ले हराएको छ। एपिएफ लगातार आठौं जित निकाल्न सफल रहयो। जारी लिगमा आर्मी एपिएफसँग हारेको यो तेस्रो पटक हो। सातदोबाटो स्थित एन्फा खेल मैदानमा भएको खेलमा पहिले अग्रता एपिएफले बनायो। २३ औं मिनेटमा प्रीती राईको […]
January 22, 2025
काठमाडौं (हाम्रो खेलकुद) – अखिल नेपाल फुटबल संघ (एन्फा) ले एन्फा महिला लिग अन्तर्गत प्लेअफ चरणको खेलहरुको समय पुन: परिवर्तन गरेको छ । यसअघि एन्फाले अन्तिम चरणको खेल तालिका सार्वजनिक गर्दा प्लेअफ चरणका सम्पूर्ण खेलहरु दशरथ रंगशालामा गर्ने सार्वजनिक गरेको थियो । प्लेअफका सबै खेल दिउँसो २ बजे गर्ने एन्फाले तोकेको थियो । तर दशरथ […]
January 22, 2025
एजेन्सी – इंग्लिस प्रिमियर लिग टोली लिभरपुल युरोपियन च्याम्पियन्स लिगमा अपराजित रहँदै अन्तिम १६ मा पुगेको छ । लिभरपुलले मंगलवार फ्रेन्च टोली लिललाई २-१ ले हरायो । घरेलु मैदान एनफिल्डमा भएको खेलमा लिभरपुललाई जिताउन मोहम्मद सलाह र हार्भे एलिओटले समान एक गोल गरे । लिलका जोनाथन डेविडले एक गोल फर्काएका हुन् । लिभरपुलले खेलको ३४औं […]