11 months ago
December 3, 2023
एजेन्सी – बुकायो साका र मार्टिन ओडेगार्डको गोलमा शीर्षस्थानमा रहेको लन्डन क्लब आर्सनलले इंग्लिस प्रिमियर लिगमा जित दर्ता गरेको छ ।
घरेलु मैदानमा आर्सनलले वल्भ्समाथि २–१ को जित निकाल्दै आफ्नो शीर्षतालाई बलियो बनाएको हो । वल्भ्सका म्याथिअस कुन्हाले एक गोल फर्काए ।
इमिरेट्स स्टेडियम लन्डनमा शनिबार राति भएको खेलमा घरेलु टोली आर्सनलले १३ मिनेटभित्रै दुई गोलको अग्रता लिएको थियो । त्यही अग्रता जोगाउँदै आर्सनलले महत्वपूर्ण ३ अंक बटुल्न सफल भयो ।
छैटौं मिनेटमा बुकायाे साकाले गोल गर्दै आर्सनललाई १–० को अग्रता दिलाए । उनले ताकेहिरो तोमियासुको पासलाई सदुपयोग गरे । १३औं मिनेटमा ओलेक्सान्डर जिनचेन्कोको पासमा मार्टिन ओडेगार्डले गोल गर्दै आर्सनलको अग्रता दोब्बर पारे ।
८६औं मिनेटमा म्याथिअस कुन्हाले नेल्सन सेमेडोको पासमा गोल गर्दै खेललाई २–१ को स्थितिमा वल्भ्सलाई खेलमा फर्काउने संकेत दिएपनि त्यसपछि थप गोल निस्कन नसक्दा आर्सनल विजयी हुन सफल भयो ।
यस जितसँगै शीर्षस्थानमा रहेको आर्सनलको १४ खेलबाट १० जित, ३ बराबरी र १ हारबाट ३३ अंक पुगेको छ । आर्सनलले एक खेल कम खेलेको म्यानचेस्टर सिटीलाई ४ अंकले पछि पारेको छ । पराजित वल्भ्स १५ अंकसहित १३औं स्थानमा छ ।
October 30, 2024
काठमाडौं (हाम्रो खेलकुद) – राजेन्द्र तामाङले राष्ट्रिय महिला फुटबल टोलीको मुख्य प्रशिक्षक पद गरेको बताएका छन् । महिला साफ च्याम्पियनसिपको फाइनलमा बुधवार बंगालादेशसँग २-१ ले पराजित भएपछिको पोस्ट म्याच कन्फ्रेन्समा अब राष्ट्रिय महिला टोली नहेर्ने बताएका हुन्। ‘अब महिला राष्ट्रिय टोली हेर्दिन’, उनले भने ,’सायद अब क्लब हेर्छु होला ।’ तामाङको नेतृत्वमा महिला टोलीले गत […]
October 30, 2024
सुबास हुमागाईं, काठमाडौं साविक विजेता बंगलादेशले घरेलु टोली नेपाललाई हराउँदै लगातार दोस्रो पटक साफ महिला च्याम्पियनसिपको उपाधि जितेको छ । दशरथ रंगशालामा बुधबार सम्पन्न फाइनलमा नेपाललाई २-१ ले हराउँदै बंगलादेशले उपाधि रक्षा गर्यो । बंगलादेशका लागि मोनिका चक्मा र ऋतु पोर्ना चक्माले १-१ गोल गरे । नेपालको लागि अमिशा कार्कीले बराबरी गोल फर्काएपनि नेपाल खेलमा […]
October 30, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत नेपाल र बंगलादेशबीच जारी फाइनलको पहिलो हाफ गोलरहित बराबरीमा सकिएको छ । दुवै टोलीले पहिलो हाफमा पाएको अवसर सदुपयोग गर्न सकेका छैनन् । सुरुवाती १० मिनेटमा नै दुवै टोलीको प्रहार क्रसबारमा लागेको थियो । बंगलादेशकी गोलरक्षक रुपना चक्माले आज लगातार गल्ती गरिरहेकी छिन् । खेलको पहिलो […]
