9 months ago
November 29, 2023
काठमाडौं (हाम्रो खेलकुद) – नेपाल सुपर लिगको दोस्रो सिजन अन्तर्गत बुधबारको खेलमा ललितपुर सिटी फुटबल क्लब र पोखरा थन्डर्सले खेल्दैछन् । खेल साँझ ५:३० बजे दशरथ रंगशालामा सुरु हुनेछ ।
पोखरा र ललितपुर दुवैले पहिलो खेलमा जित दर्ता गरेका थिए । पोखराले पहिलो खेलमा चितवनलाई हराउँदा आइकोनिक खेलाडी तथा कप्तान दिनेश राजवंशीले राम्रो प्रदर्शन गरेका थिए । खेलमा मोजेस ग्याबाले दोस्रो हाफको मध्यतिर गरेको गोल निर्णायक सावित भएको थियो ।
यता ललितपुरले भने बुटवल लुम्बिनीलाई २-० ले हराएको थियो । दिनेश हेन्जन र अनन्त तामाङको पहिलो हाफको गोलमा ललितपुरले सहज जित दर्ता गरेको थियो । नाइजेरियन फरवार्ड इमोह एजेकेलले ललितपुरका लागि प्रभावशाली प्रदर्शन गरेका थिए ।
उक्त खेलमा ललितपुरले ४ विदेशी खेलाडी मात्र प्रयोग गरेको थियो । आज ललितपुरबाट अजरबैजानका विंगर नुर्लान नोभ्रुजोभ पनि टोलीमा सामेल हुँदैछन् । उनले अघिल्लो सिजन पनि यसै क्लबबाट खेलेका थिए ।
आजको खेलमा विजयी हुने टोलीले अंक तालिकाको शीर्ष स्थानमा उक्लनेछ । गत सिजन यी दुई टोलीको खेल गोलरहित बराबरीमा टुंगिएको थियो ।
सम्भावित सुरुवाती ११ :
ललितपुर :
जेफ्री बाल्टुस, अनन्त तामाङ, करीम ओमोलोजा, सनिश श्रेष्ठ, संजित राई, सेसेहाङ आङदेम्बे, विवेक पौडेल, निखिल कदम, दिनेश हेन्जन इमोह एजेकेल, पापा इबु केबे
पोखरा :
एभ्स प्रिसो, दिनेश राजवंशी (कप्तान), पदम भट्टराई, अन्जल महर्जन, फ्रान्कलिन टाला, सुरज जिउ ठकुरी, जो आइडू, मोहेस ग्याबा टुम, आयुष घलान, स्टेफन कोजो पापा, संजिव विष्ट
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]