10 months ago
November 26, 2023
काठमाडौं (हाम्रो खेलकुद) – बेन्चबाट छिरेका अहमद हिजाजीले अन्तिम समयमा गरेको गोलको मद्दतले धनगढी एफसीले नेपाल सुपर लिगको दोस्रो संस्करणमा विजयी सुरुवात गरेको छ ।
खेल १-१ को अवस्थामा हिजाजीले ९०औं मिनेटमा गोल गरेपछि धनगढीले जित हासिल गरेको हो । धनगढीका लागि सुरुवाती गोल फोडे फोफानाले गरेका थिए भने विरगन्जका लागि हान्स क्वोफीले एक गोल गरे ।
खेलको दोस्रो मिनेटमा नै धनगढीले फोडे फोफानाको गोल मार्फत खेलमा अग्रता लियो । आशिष चौधरीको पासमा ओलावाले अफिजले दिएको क्रसमा गोल गर्दै फोफानाले खेलमा धनगढीले खेलमा अग्रता लियो ।
खेलको नवौं मिनेटमा विरगन्जका विलियम असिएडूको प्रहार ब्लक भयो। १२औं मिनेटमा भिषण गुरुङको प्रहार पोस्टको माथिबाट बाहिरियो ।
१३औं मिनेटमा आशिष चौधरीको बायाँ फ्लान्कबाट भएको प्रहारले पोस्टको दिशा लिन सकेन। १६औं मिनेटमा आशिषकै क्रस दीप कार्कीले फर्काए तर त्यहाँ रिबाउन्डमा प्रहार गर्न कोही पुग्नु अघि दीपले नै क्लियर गरे।
३१औं मिनेटमा रिचार्ड अग्यमांगको लामो पासमा दीप बक्सको छेउमा आएका थिए तर उनी भाडा अगाडि ओलावालेले प्रहार गर्न भ्याएपनी उनको प्रहार दीपको खुट्टामा लागेर फर्कियो।
पहिलो हाफको अन्त्य तिर विरगन्जले पेनाल्टी मार्फत बराबरी गर्ने अवसर पायो। कर्नरमा फलु डियाग्नेले ह्याण्डबल गरेपछि विरगन्जले पेनाल्टी पाएको थियो। पेनाल्टीमा हान्स क्वोफीले कुनै गल्ती गरेनन् र बराबरी गरे।
५४औं मिनेटमा ओलावालेले वान अन वान मौका पाएका थिए तर उनले सट लिनु अघि दिवाकर चौधरीले क्लियर गरे। ५८औं मिनेटमा आशिष चौधरीको वान अन वान मौका सीमान्त थापाले विफल पारे।
६५औं मिनेटमा ओवेड ओसुवुको लामो दुरीको प्रहारले पोस्टको दिशा लिन सकेन। ८५औं मिनेटमा विरगन्जकै समाला गुस्टाभोको प्रहार धनगढी गोलरक्षक मोहम्मद ताहाले फुस्काए तर कुनै खतरा भने रहेन।
८७औं मिनेटमा आशिष चौधरीको प्रहारले पनि दिपलाई कुनै समस्या दिन सकेन।
८९औं मिनेटमा भने धनगढीले गोल गर्दै जित हासिल गर्यो। कृतिश रत्न छुन्जुको पासमा अहमद हिजाजीले गोल गर्दै अन्तिम समयमा विरगन्जको हात बाट एक अंक खोस्दै आफ्नो टोलीका लागि तीन अंक सुनिश्चित गरे।
भोलि हुने खेलमा झापा एफसीले स्पोर्टिङ्ग मेची डे इलामको सामना गर्ने छ।
September 8, 2024
काठमाडौं (हाम्रो खेलकुद) – बार्सिलोना फ्यान क्लब नेपाल (बार्सा नेपाल ) का रूपमा परिचित क्याटलान क्लब एफसी बार्सिलोनाको समर्थक समूहले एफसी बार्सिलोनाको आधिकारिक पेन्या (समर्थक क्लब) को मान्यता प्राप्त गरेको छ । पेन्या बार्सा दी एभरेस्टको नयाँ नाममा क्लबले आधिकारिकता प्राप्त गरेको हो । शनिबार एक कार्यक्रममाझ समर्थक क्लबले आफ्नो दर्ता पूरा भएको उपलक्ष्यमा भेटघाट कार्यक्रमको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]