11 months ago
November 22, 2023
सुशिल पन्त क्षेत्री, चितवन
चितवनमा जारी लेडी जेसिज कप राष्ट्रिय महिला फुटबल प्रतियोगिताको सेमिफाइनल समिकरण पूरा भएको छ । बुधबार तीन खेल सम्पन्न भएसँगै सेमिफाइनल पुग्ने सबै टोलीको टुङ्गो लागेको हो ।
प्रतियोगिता अन्तर्गत नेपाल प्रहरी शिक्षालय (भरतपुर तालिमकेन्द्रमा) भएको पहिलो खेलमा गैंडाकोट एफसीले चितवन ११ लाई ४-१ ले हराउँदै सेमिफाइनलमा स्थान बनायो । गैंडाकोटलाई सहज जित दिलाउन मनमाया परियारले २ गोल गरिन् । उनले खेलको नवौं तथा ६४ औं मिनेटमा गोल गरिन् ।
सुक्रिया मियाँले २२ तथा कप्तान प्रनिश्या वाग्लेले २८ औं मिनेटमा गोल गरिन् । चितवनका लागि प्रतिक्षा ठकुरीले एक मात्र गोल फर्काईन् । गैंडाकोटकी मनमाया प्लेयर अफ दि म्याच भईन् । उनले ५ हजार रुपैयाँ प्राप्त गरिन् ।
दोस्रो खेलमा रौतहट महिला फुटबल एकेडेमी विजयी भयो । रौतहटले बागमती खेलकुद बिकास समिति मकवानपुरलाई १-० ले हरायो । रौतहटको जितमा कप्तान रश्मीकुमारी घिसिङले २९ औं मिनेटमा एक मात्र निर्णायक गोल गरिन् । रश्मीले प्लेयर अफ दि म्याच बन्दै ५ हजार रुपैयाँ प्राप्त गरिन् ।
तेस्रो खेलमा राष्ट्रिय खेलाडीको बाहुल्यता रहेको सर्लाही महिला फुटबल एकेडेमी अल स्टार्स स्पोर्टस एकेडेमी धनगढीसँग पराजित भयो । धनगढीले सर्लाहीविरुद्ध ३-० को सहज जित निकायो । उसको जितमा चन्द्रा भण्डारीले २ तथा ममता पुन मगरले १ गोल गरिन् ।
चन्द्राले ३५ र ६३ औं तथा ममताले ११ औं मिनेटमा गोल गरिन् । ममता प्लेयर अफ दि म्याच घोषित भईन् । उनले ५ हजार रुपैयाँ प्राप्त गरिन् । पूजा राना मगर, प्रिती राई, दीपा शाहीजस्ता ठूला नामका खेलाडी उतारे पनि सर्लाही पराजित भयो ।
प्रतियोगितामा बिहीबार सेमिफाइनलका दुबै खेल हुनेछन् । पहिलो खेल दिउँसो १ बजे गोकर्णेश्वर गाउँपालिका काठमाडौं र रौतहट तथा दोस्रो खेलमा दिउँसो ३ बजे गैंडाकोट र धनगढी भिड्नेछन् ।
मंसिर ९ गतेसम्म चल्ने प्रतियोगिताको विजेताले ट्रफीसहित २ लाख र दोस्रो हुने टोलीले १ लाख रुपैयाँ प्राप्त गर्नेछ । यस्तै विधागत उत्कृष्ट खेलाडी तथा उत्कृष्ट प्रशिक्षकले जनही १० हजार रुपैयाँ प्राप्त गर्नेछन् ।
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]
October 17, 2024
सन्जोग चाम्लिङ राई प्राकृतिक विपत्तिले धेरै जनधनको क्षति भएको सबैलाई विदितै छ । दुर्भाग्य हो, ६ जना बाल फुटबल खेलाडीहरुलाई पनि यसपालीको विपत्तिले छोडेन । उनीहरुको सपनाको पनि मृत्यु भयो । नेपाली फुटबलले सम्भावित राष्ट्रिय टिमको खेलाडीहरु गुमायो । उनीहरुप्रति श्रद्धासुमन । पंक्तिकारमा संशय छैन, एन्फा महासचिवको तलब १० हजार डलर हुनु पर्छ । त्यसैगरी […]
