एजेन्सी – युरो कप २०२० को उपाधि जितेको इटाली उपाधि रक्षाका लागि पुनः युरो कपमा छनोट भएको छ । यूक्रेन सँग गएराति गोलरहित बराबरी खेलेपछि इटाली पुनः छनोट भएको हो ।

फिफा विश्वकपको पछिल्ला दुई संस्करण गुमाएको इटालीले युरो कपमा भने सहभागितालाई निरन्तरता दिन सक्यो । यससँगै युरो कपको हरेक संस्करणमा इटालीले निरन्तरता दिएको छ । सन् २०२१ मा युरो कप जितेपनि पोर्चुगलविरुद्ध प्ले-अफमा हारेपछि इटाली विश्वकप पुग्नबाट बन्चित भएको थियो ।

उता युक्रेन भने गोलरहित बराबरी भएसँगै युरो कपमा छनोट हुन सकेन । दुवै टोलीले १४ अंकमा छनोट यात्रा समाप्त गरे। तर हेड टू हेडका आधारमा इटाली छनोट भयो । यी दुई टोली बीचको पहिलो खेल भने इटालीले २-१ ले जितेको थियो ।

यूक्रेन अब युईएफए नेसन्स लिग अन्तर्गतको प्ले-अफ बाट छनोट हुने प्रयत्न गर्ने छ । यस समूहबाट इंग्ल्याण्डका १८ अंक सहित समूह विजेता बन्दै छनोट भएको छ ।

एक दिनको खेल मात्र बाकी रहँदा आयोजक जर्मनी सहित स्पेन, स्कटल्याण्ड, फ्रान्स, नेदरल्याण्ड्स, इंग्ल्याण्डका, इटाली, अल्बेनिया, चेकीया, बेल्जियम, अष्ट्रिया, हंगेरी, टर्की, सर्बिया, डेनमार्क, स्लोभेनिया, स्विट्जरल्याण्ड, रोमानिया, पोर्चुगल र स्लोभाकिया युरो कपमा छनोट भइसकेका छन् ।

वेल्स र क्रोएसिया बीच एक टोली युरो कपका लागि छनोट हुने टुंगो आज राती लाग्ने छ । थप तीन टोली नेसन्स लिग प्ले-अफ बाट छनोट हुने छन् ।