10 months ago
November 20, 2023
काठमाडौं (हाम्रो खेलकुद) – नेपाली राष्ट्रिय फुटबल टोलीले मंगलबार फिफा विश्वकप २०२६ छनोटको दोस्रो चरण अन्तर्गत दोस्रो खेलमा यमनको सामना गर्दैछ । जाडो महिना भएपनि अखिल नेपाल फुटबल संघ (एन्फा) ले खेल साँझ ७ बजे दशरथ रंगशालामा गर्ने निर्णय लिएको छ ।
सामान्यतया नेपालमा साँझको खेल ५ वा ५:३० बजे हुने गर्दछ । दिउँसो हुने खेलहरु २ बजे पछिको समयमा गरिंदै आएको छ । तर टोलीका प्रशिक्षक भिन्सेन्जो अल्बर्टो अनेसेको आग्रहमा एन्फाले खेललाई साँझ ७ बजेका लागि सारेको हो । प्रशिक्षक अनेसेले खेलको पूर्वसन्ध्यामा आयोजित पत्रकार सम्मेलनमा यसको कारण पनि खोले ।
‘हो, साँझ ७ बजे खेल राख्नको लागि मैले आग्रह गरेको थिएँ । यसो गर्दा कार्यालय जाने समर्थकले आफ्नो काम सकेर खेल हेर्न आउन सक्नुहुन्छ । नेपाली फुटबलका लागि साथ दिन दर्शकहरुलाई सहज समय होस् भन्ने सोचेर यसो गरिएको हो । म आज पनि सबैलाई आफ्नो देशको समर्थन गर्न रंगशाला आइदिनुहुन अनुरोध गर्छु,’ उनले भने ।
अनेसेले विदेशको तुलनामा नेपालमा टिकट मुल्य सस्तो भएकाले पनि रंगशाला आउन आग्रह गरे । ‘विदेशमा खेल हेर्न निकै महँगो हुन्छ । यहाँ ४०० र १ हजारमा टिकट पाइन्छ । र स्तरीय खेलाडीको खेल हेर्न पाउनुहुन्छ । म सबलाई मैदानमा आएर खेल हेरिदिनु हुन अनुरोध गर्दछु,’ अनेसेले भने ।
यमन र नेपालको खेल साँझ ७ बजे हुने घोषणा भएसँगै नेपाललाई केहि फाइदा हुने अनुमान पनि गरिएको थियो । यमन गल्फ राष्ट्र भएकाले उच्च तापमान हुने र काठमाडौंको उचाईमा खेल्न कठिन हुने आँकलन थियो । तर यमनका प्रशिक्षक मिरोस्लाभ सोकुपले त्यो अनुमान गलत हुने संकेत दिए ।
‘हामीलाई नेपाल आइपुग्दा यात्रामा केहि असहज भयो । हाम्रो उडान ढिलो हुँदा आइतबार राती मात्र टोली नेपाल आइपुग्यो । अब आज प्रशिक्षण गरेर भोली खेल्दैछों,’ उनले भने, ‘तर यो मौसम निकै राम्रो लागेको छ । हामीलाई यहाँ समस्या हुँदैन । उचाइको कुरा गर्दा पनि हामीले यहाँभन्दा माथि खेलेर आएका छौं ।’
त्यसो त नेपाल आफैंले पनि यो समयमा प्रशिक्षण गरेको छैन । नेपालले सामान्यतया दिउँसो ३ बजे नै प्रशिक्षण गर्दै आएको छ । पछिल्लो केहि दिन च्यासलमा प्रशिक्षण गरेको टोलीले सोमबार भने दशरथ रंगशालामा दिउँसो ३ बजे प्रशिक्षण गरेको थियो । यमनले भने खेलको समयसँग नजिक साँझ ६ बजे खेल हुने रंगशालामा प्रशिक्षण गर्यो ।
मंगलबारको लागि एन्फाले साँझ ७ बजे खेल राखेसँगै समर्थकहरुलाई घर फर्कन निशुल्क बसको व्यवस्था पनि गरेको छ । यसका लागि टिकटको अर्धकट्टी भने देखाउनुपर्नेछ । दर्शकहरुको सुविधाका लागि उपत्यकाको विभिन्न ठाउँमा बसको व्यवस्था गरिएको प्रतियोगिता संयोजक दीपक खतिवडाले बताए ।
‘हामीले दर्शकहरुलाई घर फर्कन बसको व्यवस्था गरेका छौं । कति दर्शक उपस्थित हुनुहुन्छ त्यहि अनुसार बस संख्या निर्धारण हुन्छ । अहिलेलाई रंगशालाबाट सुन्धारातर्फ, टेकुतर्फ र थापाथलीतर्फ बस लाम लगाएर राख्ने योजना बनाएका छौँ,’ उनले भने ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]