10 months ago
November 19, 2023
ललितपुर (हाम्रो खेलकुद)- सहिद स्मारक ए डिभिजन लिगको सफल टोली मध्येको एक थ्री स्टार क्लबको अध्यक्षमा ज्ञान बहादुर शाक्य निर्विरोध निर्वाचित भएका छन् ।
आइतबार भएको क्लबको वार्षिक साधारणसभा र अधिवेशनबाट शाक्यसहित कार्यसमितिका १६ जना निर्विरोध निर्वाचित भएका हुन् । १७ सदस्यीय कार्यसमितिमा अरुणमान जोशी क्लबको निवर्तमान अध्यक्ष रहेका छन् । शाक्यले यसअघि पनि क्लबको नेतृत्व गरिसकेका थिए ।
क्लबका ६ उपाध्यक्षमा निर्मल रत्न शाक्य, वीरेन्द्र लाल श्रेष्ठ, कृष्ण अवाले, जय कृष्ण श्रेष्ठ, रमेश अवाले र राम कृष्ण श्रेष्ठ छन् । महासचिवमा धर्मेन्द्र राज शाक्य र कोषाध्यक्षमा राम कृष्ण चित्रकार चुनिए ।
सचिवमा कुल बहादुर महर्जन र निवास गोपाल बैद्य, सहकोषाध्यक्षमा देवेन्द्र लाल श्रेष्ठ निर्वाचित भए । सदस्यहरुमा प्रेमबहादुर चित्रकार, रामेश्वर अवाले, हरि महर्जन र मुकेश नकर्मी छन् ।
आइतबार नै बसेको कार्यसमितिको प्रथम बैठकले विधान अनुसार क्लबका निवर्तमान उपाध्यक्ष अतिश कृष्ण श्रेष्ठ र निवर्तमान महासचिव सञ्जीव शिल्पकारलाई सल्लाहकार समितीको सदस्य चयन गरेको क्लबले जनाएको छ ।
त्यसअघि ललितपुर महानगरपालिकाका प्रमुख चिरिबाबु महर्जनले साधारणसभाको उद्घाटन गरेका थिए । सो अवसरमा क्लबका पूर्व अध्यक्ष एंव एन्फाका कार्यवाहक अध्यक्ष समेत रहनु भएका स्व. ललित कृष्ण श्रेष्ठलाई मरणोपरान्त सम्मान गरिएको थियो ।
क्लबका अध्यक्ष अरुणमान जोशीले आफ्नो कार्यकालमा राष्ट्रिय लिगको उपाधि र एएफसी कपको दोस्रो चरणको यात्रा तय गर्दा र आफ्नो कार्यकालमा सहयोग पुर्याउनु भएका क्लबका कार्यसमिती, खेलाडी, पदाधिकारी, प्रायोजक, सहप्रायोजक, समर्थक लगायतलाई धन्यवाद दिए ।
मेयर महर्जनले ललितपुरका क्लबहरुलाई प्रोत्साहन गर्दै आवश्यक सहयोग गर्दै जाने प्रतिवद्धता व्यक्त गरे । उनले थ्री स्टारले भवन निर्माण गरेमा महानगरले आर्थिक सहयोग गर्ने वचन दिए ।
अखिल नेपाल फुटबल संघ (एन्फा) का अध्यक्ष पंकज विक्रम नेम्वाङले समृद्ध इतिहास बोकेको र फुटबल विकासमा अतुलनीय योगदान पुर्याउदै आएको थ्री स्टार क्लबको नयाँ बन्ने कार्यसमितिलाई शुभकामना व्यक्त गर्दै सधैं हातेमालो गर्दै अगाडि बढ्ने बताए ।
नेपाल खेलकुद पत्रकार मञ्चका अध्यक्ष देवेन्द्र सुवेदीले थ्री स्टारले नेपाली फुटबलमा पुर्याएको टेवाको प्रशंसा गर्दै क्लबले नेपाली फुटबलमा पुर्याएको योगदान महत्वपूर्ण रहेको बताए । नेपाल राष्ट्रिय तथा अन्तर्राष्ट्रिय खेलाडी संघका अध्यक्ष दीपक श्रेष्ठ र ओलम्पियन दीपक विष्टले थ्री स्टार क्लबको आजीवन सदस्य हुन पाउनु गर्वको विषय भएको बताए।
सो अवसरमा नेपाल ओलम्पिक कमिटी (एनओसी) का कार्यकारी निर्देशक तथा उपाध्यक्ष चतुरानन्द राजबैद्य, एनओसी महासचिव निलेन्द्र राज श्रेष्ठ, ललितपुर महानगरपालिकाका उपप्रमुख मञ्जली शाक्य बज्राचार्य, गोदावरी नगरपालिकाका प्रमुख गजेन्द्र महर्जन, ललितपुर उद्योग वाणीज्य संघका अध्यक्ष विश्वराज बज्राचार्य लगायतको उपस्थिति थियो ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]