10 months ago
November 18, 2023
काठमाडौं (हाम्रो खेलकुद) – नेपाल सुपर लिग (एनएसएल) टोली झापा एफसीले आवास लामिछाने आइकोनिक खेलाडीको रुपमा अनुबन्ध गरेको छ ।
दोस्रो संस्करणको एनएसएलका लागि आवासलाई आइकोनिक खेलाडीका रुपमा अनुबन्ध गर्न पाउँदा टोली उत्साहित रहेको झापाले शनिबार प्रेस विज्ञप्तीमार्फत जनाएको छ । नेपाली राष्ट्रिय फुटबल टोलीका लागि ९ क्याप जितिसकेका आवास पनि झापामा जोडिएर उत्साहित रहेको क्लबले जनाएको छ ।
‘झापा एफसीमा आबद्ध भएर फुटबल विकासमा योगदान पुर्याउन पाउँदा म गौरवान्वित छु,’ आवासले भनेका छन्, ‘एनएसएल उत्कृष्ट मञ्च हो, र टोलीका लागि आफ्नो उत्कृष्ट प्रदर्शन गर्न आतुर छु । पारिवारिक कारण राष्ट्रिय टोलीका लागि खेल्न नपाउँदा दुःख छुट्टै छ तर फुटबल विकासमा सधैं तत्पर छु ।’
झापा एफसीका प्रवक्ता सुजन गौतमले भने, “आवास आइकोनिक खेलाडीको रूपमा टिममा पाउँदा हामी खुसी छौं । उनको अनुभव, सीप र खेलप्रतिको प्रतिबद्धताले एनएसएलको सफलताको हाम्रो दृष्टिकोणसँग मेल खान्छ। हामीलाई उनीप्रति विश्वास छ ।”
झापा एफसीले मंसिर ११ गते स्पोर्टिङ डी इलामसँग खेल्दै एनएसएलको सुरुवात गर्नेछ । झापा यसपटक थपिएका नयाँ ३ टोलीमध्येको एक हो । पहिलो संस्करण खेलको ७ मध्ये ६ र नयाँ ३ गरि ९ टोलीको सहभागितामा एनएसएल मंसिर ८ गतेबाट त्रिपुरेश्वस्थित दशरथ रंगशालामा सुरु हुनेछ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]