10 months ago
November 18, 2023
एजेन्सी – युरो कप २०२४ को छनोटमा अपराजित रहेको इंग्ल्यान्डले माल्टामाथि सहज जित निकालेको छ । घरेलु मैदानमा इंग्ल्यान्डले माल्टामाथि २–० को सहज जित हात पारेको हो ।
वेम्वली स्टेडियममा इंग्ल्यान्डको जितमा कप्तान ह्यारी केनले गोल गर्दा एक गोल उपहार पाएको थियो । शुक्रबार राति भएको खेलको आठौं मिनेटमा नै इनरिको पेपेको आत्मघाती गोलबाट इंग्ल्यान्डले अग्रता बनाएको थियो ।
कप्तान केनको क्रसब्याकलाई बचाउने क्रममा पेपेलाई डिफ्लेक्ट हुँदै गोलमा परिणत भएको थियो । त्यसपछि पनि बल पोसेसन राख्दै पाहुना टोलीलाई दवावमा राखेको इंग्याल्डले अर्काे गोलको लागि ७५औं मिनेट कुर्नुपरेको थियो ।
केनले बुकायो साकाको पासमा गोल गर्दै इंग्ल्यान्डको अग्रता दोब्बर पारे । त्यसको एक मिनेटपछि नै डिक्लन राइसले गोल गरेपनि भारमा अफसाइड ठहरिदा गोलले मान्यता नपाउँदा इंग्ल्यान्डले थप गोल गर्न सकेन ।
यस जितसँगै समूह ‘सी’ मा अपराजित रहेको इंग्ल्यान्ड ७ खेलबाट १९ अंक जोडेर शीर्षस्थानमा छ । इंग्ल्यान्डले ७ मध्ये ६ मा जित र एकमा बराबरीको नतिजा निकालेको छ ।
पराजित माल्टा ८ खेलबाट अंकविहीन हुँदै पुछारमा छ । इटाली र युक्रेनको समान खेलबाटै १३ अंक छ । नर्थ म्यासेडोनिया ७ अंक जोडेर चौथो स्थानमा छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]