1 year ago
November 17, 2023
एजेन्सी – युरो कप छनोट अन्तर्गत गएराति सम्पन्न खेलमा स्पेन विजयी भएको छ ।
स्पेनले साइप्रस माथि ३-० को सहज जित हात पारेको हो । स्पेनको जितमा लामिन यमाल, मिकेल ओयारजाबाल र जोसेलुले एक एक गोल गरेका हुन् ।
तीन गोल नै पहिलो हाफमा भएको थियो । खेलमा अग्रता बार्सिलोनाका युवा खेलाडी यमालले खेलको पाँचौं मिनेटमा दिएका थिए । मिकेल मेरीनोको क्रस जोसेलुले मिस गरेपछि यमालले सम्हालिदै गोल गरे ।
ओयारजाबालले २२औं मिनेटमा अग्रता दोब्बर बनाए । डेब्यु गरिरहेका एलेक्स ग्रिमाल्डोको पासमा उनले गोल गर्दै अग्रता दोब्बर बनाएका थिए । सुरुमा गोललाई अफसाइड दिइएपनि भिडियो असिस्टेन्ट रेफ्रीको सहायताले गोल मान्य भएको थियो ।
यस्तै खेलको तेस्रो गोल जोसेलुले २८औं मिनेटमा गरे । ओयारजाबालको कर्नरमा जोसेलुले फारपोस्टमा गोल गर्दै अग्रता बढाउँदै जित सुनिश्चित गरे ।
यस्तै सोही समूहमा भएको अर्को खेलमा स्कटल्याण्ड र जर्जिया बीचको खेल २-२ गोलको बराबरीमा सकियो ।
समूहमा स्पेन सात खेलमा १८ अंक सहित शीर्ष स्थानमा भने दोस्रो स्थानमा रहेको स्कटल्यान्डको भने १६ अंक रहेको छ । नर्वेको भने समान सात खेलमा १० अंक रहेको छ । सात खेलमा जर्जियाको ८ अंक रहँदा ८ खेल खेलिसकेको साइप्रसको कुनै अंक छैन । यस समूह बाट स्पेन र स्कटल्याण्ड आउँदो वर्ष जर्मनीमा हुने युरो कपका लागि छनोट भइसकेका छन् ।
December 26, 2024
दिपक बोहोरा,पाँचथर न्युरोड टिम ( एनआरटी) फिदिममा जारी ११औं फाल्गुनन्द गोल्डकप फुटबल प्रतियोगिताको सेमिफाइनल प्रवेश गरेको छ । फिदिम माविको मैदानमा बिहीवार भएको अन्तिम क्वाटरफाइनलमा सिरहाको सलेहश क्लबलाई टाइब्रेकरमा ५–४ ले हराउँदै एनआरटी अन्तिम चारमा पुगेको हो । योसँगै फाल्गुनन्द गोल्डकपको सेमिफाइनल समीकरण पूरा भएको छ । आयोजक फिदिम स्पोर्टिङ क्लब, मच्छिन्द्र क्लब र चर्च […]
December 26, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) को आयोजनामा हुन लागेको एन्फा यू१६ लिगका लागि थ्री स्टार क्लबले आफ्नो समर्थकबाट प्रायोजन पाएको छ । लामो समयदेखि क्लबको समर्थन गर्दै आएका हाल अष्ट्रेलिया निवासी अरुण तिवारीले क्लबको यू१६ टोलीलाई आफ्नो कम्पनि सिल्भर रे रिअल्टिमार्फत प्रायोजन गरेका हुन् । थ्री स्टारले आफ्नो सामाजिक संजालमार्फत प्रायोजन […]
December 26, 2024
काठमाडौं (हाम्रो खेलकुद)- प्याब्सन बुढानिलकण्ठ र ए डिभिजन टोली हिमालयन शेर्पा क्लबबीच ग्रासरुट फुटबल कार्यक्रम संचालनका लागि सम्झौता भएको छ । स्थानीय स्तरमा फुटबल खेलकुदको प्रवर्द्धन र नयाँ प्रतिभाको पहिचानका लागि बिहीवार सम्झौता भएको हो। सम्झौताअनुसार, बुढानिलकण्ठ नगरपालिका भित्रका विद्यालयका बालबालिकालाई लक्षित गरी फुटबल प्रशिक्षण कार्यक्रम संचालन हुने बताइएको छ । बालबालिकाहरूमा फुटबल खेलप्रति रुचि […]
