10 months ago
November 11, 2023
एजेन्सी – इंग्लिस प्रिमियर लिगमा शनिबार म्यानचेस्टर युनाइटेड र आर्सनल विजयी भएका छन्।
म्यानचेस्टर युनाइटेडले लुटन टाउनलाई १-० को झिनो अन्तरले हराएको छ। युनाइटेडका जितमा डिफेन्डर भिक्टर लिन्डेलफले एक मात्र गोल गरेका हुन्। गोल खेलको ५९औं मिनेटमा भएको थियो।
मार्कस रासफर्डको क्रसमा स्कट मक्टोमिनेले प्रहार गर्न नसकेपछि लिन्डेलफको सामु आएको बलमा उनले गोल गरेका थिए।
जित पछि युनाइटेड १२ खेलमा २१ अंक सहित छैठौं स्थानमा उक्लिएको छ। पराजित लुटन भने ६ अंक सहित १८औं स्थानमा छ।
शनिबार नै भएको अर्को खेलमा आर्सनलले बर्नली माथि ३-१ को जित निकालेको छ। आर्सनल जितमा लेयान्ड्रो ट्रोसार्ड, विलियम सालिबा र ओलेक्जेन्डर जिन्चेन्कोले गोल गरेका हुन्।
पहिलो हाफको अन्तिम समयमा बुकायो साकाको पासमा ट्रोसार्डले गोल गर्दै खेलमा अर्सनललाई अग्रता दिलाएका थिए। तर बर्नलीका जोस ब्राउनहिलले बराबरी गोल गरेका थिए। त्यसपछि आर्सनलले २ गोल थप्दै जित हासिल गर्यो।
ट्रोसार्डको पासमा सालिबाले गोल गर्दै खेलमा आर्सनललाई अग्रता दिलाए। ७४औं मिनेटमा जिन्चेन्कोले गोल गर्दै जित सुनिश्चित गरे।
जित पछि आर्सनल १२ खेलमा २७ अंक जोड्दै दोस्रो स्थानमा उक्लिएको छ। पराजित बर्नली ४ अंक सहित १९औं स्थानमा छ।
September 8, 2024
काठमाडौं (हाम्रो खेलकुद) – बार्सिलोना फ्यान क्लब नेपाल (बार्सा नेपाल ) का रूपमा परिचित क्याटलान क्लब एफसी बार्सिलोनाको समर्थक समूहले एफसी बार्सिलोनाको आधिकारिक पेन्या (समर्थक क्लब) को मान्यता प्राप्त गरेको छ । पेन्या बार्सा दी एभरेस्टको नयाँ नाममा क्लबले आधिकारिकता प्राप्त गरेको हो । शनिबार एक कार्यक्रममाझ समर्थक क्लबले आफ्नो दर्ता पूरा भएको उपलक्ष्यमा भेटघाट कार्यक्रमको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]