11 months ago
October 29, 2023
लमजुङ हाम्रो खेलकुद) – लांघाली एकता युवा क्लब उम्लिस्वारा (प्युघर) लमजुङले १८औं संस्करणको पिठ बजार फुटबल कप खुल्ला सेभेन ए साइड प्रतियोगिता २०८० को उपाधि जितेको छ ।
लमजुङको दुधपोखरी गाँउपालिका ६ बेत्यानीस्थित नयाँ ग्राउन्डमा शनिबार भएको फाइनलमा हेल गाइज सानो काभ्रेलाई २–० ले पराजित गर्दै उपाधि जित्न सफल भएको हो । लांघालीको जितमा सुमन श्रेष्ठ र अनुराग जिसीले गोल गरे ।
उपाधिसँगै लांघालीले १ लाख रुपैया, कप, मेडल र प्रमाण पत्र प्राप्त गरेको छ । दोस्रो भएको हेल गाइजले ५५ हजार रुपैयाँ, कप, मेडल र प्रमाण पत्र हात पारेको छ । पहिलो पुरस्कार कृष्ण गुरुङले तथा दोस्रो पुरस्कार स्वर्गीय कृष्ण गुरुङको स्मृतिमा राखिएको थियो ।
हेल गाइजका संयोग थापा प्रतियोगिताको सर्वाेत्कृष्ट खेलाडी घोषित भए । लांघालीका सुमन श्रेष्ठ सर्वाधिक गोलकर्ता बने । उनीहरु दुवैले समान २ हजार ५ सयसँगै कप, मेडल र प्रमाण पत्र प्राप्त गरे ।
लांघालीकै शिव पिया गोलरक्षक र सुशान्त श्रेष्ठ उत्कृष्ट डिफेन्डर चुनिए । उनीहरुले समान २ हजार रुपैयाँसँगै कप, मेडल र प्रमाण पत्र प्राप्त गरे ।
३० वर्षमाथिको खेलमा फाइनलमा डाडाथोक लाखाजुङले ताजी स्टारलाई ३–१ ले पराजित गर्दै उपाधि जितेको छ । उपाधि जितेको डाडाथोक लाखाजुङले एक बोका तथा दोस्रो भएको ताजी स्टारले दुई भाले हात पारेको छ ।
विजयी टोली तथा खेलाडीलाई क्लबका अध्यक्ष महेन्द्र गुरुङ, प्रथम पुरस्कार प्रायोजक कृष्ण गुरुङका बुवा तारा बहादुर गुरुङ, दोस्रो पुरस्कार प्रायोजक स्वर्गीय कृष्ण गुरुङकी दिदी लक्ष्मी गुरुङ, दुधपोखरी वडा नम्वर ३ का वडा अध्यक्ष श्याम गुरुङ (मिन), वडा नम्वर ५ का अध्यक्ष बल बहादुर गुरुङ, तोरी बारी आमा समूहका अध्यक्ष लाल माया गुरुङ, बुढीकोट आमा समूहका अध्यक्ष काली गुरुङ, दुधपोखरी गाँउपालिका वडा नम्वर ६ बेत्यानीका टोल सुधार समितिका संयोजक कुम बहादुर गुरुङ र गौडा प्रहरी चौकीका इन्चार्ज बरिष्ठ हवल्दार अर्जुन योगी र कोल्की एकता युवा क्लबका सल्लाहकार तथा समाजसेवी रेखी गुरुङलगायतले पुरस्कृत गरे ।
दशैं औशीको अवसरमा बेत्यानी युवा क्लब बेत्यानीले आयोजना गरेको प्रतियोगिता २८ असोजबाट शुरु भएको थियो ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]