1 year ago
October 25, 2023
एजेन्सी – युरोपेली च्याम्पियन्स लिग अन्तर्गत समूह सि अन्तर्गत गएराति भएको खेलमा रियल म्याड्रिड विजयी भएको छ ।
रियलले पोर्चुगिज क्लब ब्रागालाई २-१ ले पराजित गरेको हो । रियलको जितमा रोड्रीगो र जुड बेलिङ्घमले एक एक गोल गरेका हुन् ।
खेलको १६औं मिनेटमा रियलले अग्रता लिएको थियो । रोड्रिगोले भिनिसियस जुनियरको पासमा गोल गर्दै खेलमा अग्रता दिलाएका थिए ।
रियलले खेलमा अग्रता दोब्बर बनाउन ६१औं मिनेटसम्म कुर्नु परेको थियो । बेलिङ्घमले भिनिसियसकै पासमा बक्सको छेउ बाट सटिक प्रहार गर्दै अग्रता दोब्बर बनाए ।
६३औं मिनेटमा अलभारो जालोले गोल गर्दै ब्रागालाई खेलमा फर्काउन प्रयत्न गरेका थिए । तर त्यो गोल पर्याप्त भने हुन सकेन ।
सोही समूहमा नापोलीले गएराति युनियन बर्लिनलाई १-० ले हराएको छ । नापोलीको जितमा जियाकोमो रास्पाडोरिले एकमात्र गोल गरेका थिए ।
समूहमा रियल तीन खेलमा ९ अंक सहित शीर्ष स्थानमा रहँदा नापोली तीन खेलमा दुई जित र एक हार सहित ६ अंक जोड्दै दोस्रो स्थानमा छ । ब्रागा ३ अंक सहित तेस्रो रहँदा पुछारमा रहेको बर्लिनको कुनै अंक छैन ।
October 30, 2024
काठमाडौं (हाम्रो खेलकुद) – राजेन्द्र तामाङले राष्ट्रिय महिला फुटबल टोलीको मुख्य प्रशिक्षक पद गरेको बताएका छन् । महिला साफ च्याम्पियनसिपको फाइनलमा बुधवार बंगालादेशसँग २-१ ले पराजित भएपछिको पोस्ट म्याच कन्फ्रेन्समा अब राष्ट्रिय महिला टोली नहेर्ने बताएका हुन्। ‘अब महिला राष्ट्रिय टोली हेर्दिन’, उनले भने ,’सायद अब क्लब हेर्छु होला ।’ तामाङको नेतृत्वमा महिला टोलीले गत […]
October 30, 2024
सुबास हुमागाईं, काठमाडौं साविक विजेता बंगलादेशले घरेलु टोली नेपाललाई हराउँदै लगातार दोस्रो पटक साफ महिला च्याम्पियनसिपको उपाधि जितेको छ । दशरथ रंगशालामा बुधबार सम्पन्न फाइनलमा नेपाललाई २-१ ले हराउँदै बंगलादेशले उपाधि रक्षा गर्यो । बंगलादेशका लागि मोनिका चक्मा र ऋतु पोर्ना चक्माले १-१ गोल गरे । नेपालको लागि अमिशा कार्कीले बराबरी गोल फर्काएपनि नेपाल खेलमा […]
October 30, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत नेपाल र बंगलादेशबीच जारी फाइनलको पहिलो हाफ गोलरहित बराबरीमा सकिएको छ । दुवै टोलीले पहिलो हाफमा पाएको अवसर सदुपयोग गर्न सकेका छैनन् । सुरुवाती १० मिनेटमा नै दुवै टोलीको प्रहार क्रसबारमा लागेको थियो । बंगलादेशकी गोलरक्षक रुपना चक्माले आज लगातार गल्ती गरिरहेकी छिन् । खेलको पहिलो […]
