12 months ago
October 22, 2023
एजेन्सी – स्पेनिस लालिगाकाे शीर्षस्थानमा रहेकाे रियल म्याड्रिड सेभियासँग बराबरीमा रोकिएको छ। सेभियाले अग्रता जोगाउन नसक्दा एक अंकमा सिमीत रहँदा बाध्य बन्याे ।
सेभियाको घरेलु मैदान इस्टाडीयो सान्चेज पिजुआनमा शनिबार राति भएको खेल १–१ गाेलकाे बराबरीमा सकिएकाे हाे । सेभियाको गोल आत्मघाती गोलको रूपमा आएको थियो भने म्याड्रिडका लागि ड्यानी कार्भाजालले बराबरी गोल फर्काए ।
रियल म्याड्रिडको गोल खेलको चौथो मिनेटमा नै रद्द भएको थियो। फेडेरीको भालभर्डेले गोल गर्दै अग्रता दिलाएपनि त्यस मुभमा जुड बेलिङ्घम अफसाइड रहेका कारण भिडियो असिस्टेन्ट रेफ्रीले गोल रद्द गरेका हुन्।
आठौं मिनेटमा भने बेलिङ्घमले बललाई जाली चुमाएका थिए। तर खेलाडीहरूबीच अन्योलताका बीच रेफ्रीले सेभिया खेलाडीको चोटका लागि सिट्टी बजाइसकेका थिए ।
२८औं मिनेटमा म्याड्रिडका डिफेन्डर ड्यानी कार्भाजालले इभान राकिटिचको प्रहार गोल लाइनबाट क्लियर गरेका थिए। खेलको ७४औं मिनेटमा सेभियाले अग्रता लियो। मार्कोस अकुनाको क्रसमा डेभिड अलाबाले बललाई आफ्नै जाली भित्र हालेका थिए।
तर त्यसको चार मिनेट पछि नै म्याड्रिडले गोल फर्कायो। टोनी क्रूसको फ्रीकिकमा कार्भाजालले हेडरमार्फत गोल गर्दै खेल बराबरीमा ल्याएका थिए। अन्त्यमा खेल बराबरीमा सकियो।
बराबरी पछि म्याड्रिडको १० खेलमा २५ अंक भएको छ। दोस्रो स्थानमा रहेको जिरोनाको नौं खेलमा २२ अंक छ। यस्तै नौं खेल नै खेलेको बार्सिलोनाको २१ अंक रहेको छ। बार्सिलोनाले आज राती एथलेटिक क्लब बिलबाओको सामना गर्नेछ।
ग्रिजमनको ह्याट्रिकमा एट्लेटिको विजयी
अर्काे खेलमा एन्टोइन ग्रिजमनको ह्याट्रिकमा एट्लेटिको मड्रिडले १० खेलाडीमा समेटिएको सेल्टा डि भिगोलाई ३–० ले पराजित गरेको छ । भिगोमा शनिबार राति भएको खेलको २५औं मिनेटमा नै घरेलु टोली १० खेलाडीमा समेटिन पुग्यो ।
खराव ट्याकलका कारण गोलरक्षक इभान भिलार सिधै रातो कार्ड खाँदै मैदानबाट बाहिरिए । त्यसमै प्राप्त पेनाल्टीमा ग्रिजमन चुकेनन् र टोलीलाई पहिलो हाफमा १–० को अग्रता दिलाए । त्यसपछि ग्रिजमनले ६४औं र ७०औं मिनेटमा गोल गर्दै ह्याट्रिक पूरा गर्दै टोलीलाई सहज जित दिलाए ।
यस जितसँगै एट्लेटिको ९ खेलबाट २२ अंक जोडेर दोस्रो स्थानमा उक्लिएको छ । समान २२ अंक नै भएपनि जिरोना गोल अन्तरमा पछि छ । पराजित सेल्टा ६ अंकसहित १८औं स्थानमा छ ।
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]
October 17, 2024
सन्जोग चाम्लिङ राई प्राकृतिक विपत्तिले धेरै जनधनको क्षति भएको सबैलाई विदितै छ । दुर्भाग्य हो, ६ जना बाल फुटबल खेलाडीहरुलाई पनि यसपालीको विपत्तिले छोडेन । उनीहरुको सपनाको पनि मृत्यु भयो । नेपाली फुटबलले सम्भावित राष्ट्रिय टिमको खेलाडीहरु गुमायो । उनीहरुप्रति श्रद्धासुमन । पंक्तिकारमा संशय छैन, एन्फा महासचिवको तलब १० हजार डलर हुनु पर्छ । त्यसैगरी […]