11 months ago
October 21, 2023
एजेन्सी – मोहम्मद सालाहको २ गोलको मद्दतले इंग्लिस प्रिमियर लिगमा लिभरपुलले जित हासिल गरेको छ।
घरेलु मैदान एनफिल्डमा शनिबार भएको खेलमा लिभरपुलले बहुचर्चित मर्सीसाईड डर्बीमा १० जनामा सिमित एभर्टनलाई २-० ले पराजित गरेको हो।
एस्ली योङ्ग ३४औं मिनेटमा दोहोरो पहेँलो कार्ड खाँदै मैदान बाहिरिएपछि एभर्टन १० जनामा सिमित भएको थियो। लुईस डियाज माथिको ट्याकल पछि उनले दोस्रो पहेँलो कार्ड प्राप्त गरेका थिए।
लिभरपुलसँग मैदानमा एक जना खेलाडीको अग्रता भएपछि पहिलो हाफको अन्त्यमा अवसरहरू सृजना गरेपनि गोल गर्न सकेन। यस्तै दोस्रो हाफको सुरुवाती समयमा पनि लिभरपुलले निकै मेहेनत गर्नु परेको थियो ।
खेलको ७५औं मिनेटमा पुगेपछि मात्र लिभरपुलले खेलमा अग्रता लियो। बक्स भित्र माइकल किनले हातले बल छोएपछि लिभरपुलले पेनाल्टी पाएको थियो। पेनाल्टीमा सहजै गोल गर्दै सालाहले खेलमा अग्रता दिलाएका थिए।
दोस्रो गोल भने खेलको अन्तिममा थपिएको सातौं मिनेटमा आएको थियो। काउन्टर अट्याकमा डार्विन नुनेजको पासमा सालाहले खेलमा व्यक्तिगत दोस्रो गोल गर्दै जित सुनिश्चित गरेका थिए
जित पछि लिभरपुल ९ खेलमा ६ जित, २ बराबरी र १ हार सहित २० अंक बटुल्दै तालिकाको शीर्ष स्थानमा उक्लिएको छ। पराजित एभर्टन भने समान ९ खेलमा २ जित, १ बराबरी र ६ हार सहित सात अंक बटुल्दै १६औं स्थानमा छ।
इङ्लिस प्रिमियर लिग अन्तर्गत आज साँझ ७:४५ बजे थप पाँच खेल हुँदै छन्। म्यानचेस्टर सिटीले ब्राइटनको सामना गर्नेछ भने बोर्नेमाउथले वुल्भ्सलाई स्वागत गर्नेछ। यस्तै ब्रेन्टफोर्डले बर्नलीको विरुद्ध खेल्दा न्यूक्यासल युनाइटेडले क्रिस्टल प्यालेसको सामना गर्नेछ भने नटिङ्घम फरेस्टले लुटन टाउनलाई आफ्नो मैदानमा स्वागत गर्नेछ।
यस्तै आज राति १०:१५ बजे चेल्सी र आर्सनल आमने-सामने हुँदा राति १२:१५ बजे म्यानचेस्टर युनाइटेडले सेफिल्ड युनाईटेडको सामना गर्ने छ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]