1 year ago
October 17, 2023
काठमाडौं (हाम्रो खेलकुद) – नेपाली राष्ट्रिय फुटबल टोलीले फिफा विश्वकप २०२६ छनोटको पहिलो चरणमा लाओसलाई पराजित गर्दै दोस्रो चरणमा स्थान पक्का गरेको छ ।
निकै प्रतिस्पर्धात्मक खेलमा लाओसमाथि समग्रमा २-१ को जित निकाल्दै नेपाल अघि बढेको हो । दशरथ रंगशालामा बिहीबार पहिलो लेग १-१ को बराबरीमा सकिएपछि आज भ्यानट्यानमा भएको दोस्रो लेगमा नेपाल १-० ले विजयी हुँदै छनोट यात्रा अघि बढाउन सफल भयो ।
नेपालले अब छनोटको दोस्रो चरणमा समूह एच अन्तर्गत मध्यपूर्वका तीन राष्ट्रसँग खेल्नेछ । नेपालले संयुक्त अरब इमिरेट्स (यूएई), यमन र बहराइनसँग घरेलु र अवे मैदानमा २-२ खेल खेल्नेछ । जस अन्तर्गत नेपालले दशरथ रंगशालामा यी तीनै टोलीसँग खेल्नेछ ।
दोस्रो चरणमा एसियाका शीर्ष २६ टोलीसँगै पहिलो चरण पार गरेका १० राष्ट्र गरि कुल ३६ राष्ट्रलाई ९ समूहमा विभाजन गरिएको हो । हरेक समूहको शीर्ष २ मा रहने टिमहरु सन् २०२४ मा हुने एएफसी एसियन कपमा छनोट हुँदै विश्वकप छनोटको तेस्रो चरणमा प्रवेश गर्नेछन् ।
विश्वकप छनोटको तेस्रो चरणबाट ६ टोलीलाई सिधै विश्वकपमा स्थान दिइनेछ भने त्यसपछिका राम्रा ६ टोली चौथो चरणमा प्रवेश गर्नेछन् ।
दोस्रो चरणको समूहमा पुछारमा रहने दुई टोलीको भने विश्वकप छनोटको यात्रा बन्द हुनेछ र एसियन कप छनोटको तेस्रो चरणमा प्रतिस्पर्धा गर्नेछन् । एसियन कप छनोटको तेस्रो चरणमा स्थान बनाउन भने पहिलो चरणमा पराजित टोलीहरुबीच अर्को प्लेअफ प्रतिस्पर्धा हुनेछ ।
नेपालले अब दोस्रो चरणको छनोटमा १६ नोभेम्बर (कार्तिक ३० गते) यूएईमा गएर खेल्नेछ । त्यसपछि २१ नोभेम्बर (मङ्सिर ५ गते) नेपाल र यमनले दशरथ रंगशालामा खेल्नेछन् ।
October 18, 2024
काठमाडौं (हाम्रो खेलकुद) – साफ महिला च्याम्पियनसिपमा आज आयोजक नेपालले भुटानसँग खेल्दैछ । नेपाल जितबाट प्रतियोगिताको सुरूवात गर्ने दाउमा रहनेछ । छोटो तयारीका बाबजुद नेपाली टिमले उपाधि जित्ने लक्ष्य बनाएको छ। यसको लागि आज जितबाट सुरूवात गर्न जरूरी छ। दशरथ रङ्गशालामा साँझ ५:३० बजे हुने खेलमा नेपाललाई घरेलु दर्शकको साथ रहनेछ । आजको खेलमा नेपालकी […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]
