11 months ago
October 8, 2023
एजेन्सी – इंग्लिस प्रिमियर लिगमा आइतबार (आज) उपाधि दाबेदार दुई टोली आर्सनल र म्यानचेस्टर सिटी भिड्दै छन्। खेल नेपाली समय अनुसार बेलुका ९:१५ बजे सुरु हुनेछ।
गत सिजन धेरै समय तालिकाको शीर्ष स्थानमा बिताएको आर्सनललाई पछि पार्दै सिटीले अन्तिममा उपाधि हात गरेको थियो। त्यो सिटीको लगातार तेस्रो प्रिमियर लिगको उपाधि समेत थियो।
आर्सनलका लागि भने गत सिजन सन् २००४ पछि पहिलो पटक लिग जित्ने मौका थियो। सिटीका प्रशिक्षक पेप गार्डिओलाको सहायकको भुमिका निभाएका प्रशिक्षक मिकेल आर्टेटाले २०१९ बाट प्रशिक्षण सम्हालेपछि आर्सनलको प्रदर्शन सुध्रिदै गएको छ।
त्यसैकारण गत सिजन आर्सनल लिग उपाधिको नजिक पुगेको थियो। तर पेपको टोलीले फेरि बाजी मारेको थियो। प्रिमियर लिग सहित एफए कप र च्याम्पियन्स लिग उपाधि उचाल्दै सिटीले ऐतिहासिक ट्रेबल समेत हात पारेको थियो।
यो सिजन पनि यी दुई टोली उपाधि दाबेदार रहेका छन्।८ खेलको समाप्तीमा सिटीको १८ अंक रहँदा आर्सनलको १७ अंक छ। यो दुई टोली क्रमशः दोस्रो र तेस्रो स्थानमा छन्। पहिलो स्थानमा रहेको टोटनहमको ८ खेलमा २० अंक रहेको छ।
दुई टोलीमा जसले जितेपनि अंक तालिकाको शीर्ष स्थानमा उक्लने छ भने बराबरीमा यथास्थानमा रहने छन्।
प्रिमियर लिगमा आज अन्य ३ खेल समेत हुने छन्। साँझ ६:४५ बजे हुने खेल हरुमा ब्राइटन र लिभरपुल , वेस्ट ह्याम र न्युक्यासल युनाइटेड तथा वल्भ्सर एस्टन भिल्लाबीच प्रतिस्पर्धा हुनेछ ।
September 8, 2024
एजेन्सी – जर्मनीले युइएफए नेसन्स लिगमा फराकिलो जित निकालेको छ । ग्रुप थ्रीमा जर्मनीले शनिवार हङ्गेरीमाथि ५-० को जित निकाल्यो । घरेलु मैदानमा भएको खेलमा जर्मनीको जितमा निकोलस फ्युलक्रुग, मुसियाला, फ्लोरियन विर्ट्ज, अलेक्जेन्डर पावलोभिच र काई हाभर्ट्ज गोल गरे । जर्मनीका निकोलस फ्युलक्रुगले २७औं मिनेटमा गोल गर्दै टोलीलाई अग्रता दिलाएका थिए। ५८औं मिनेटमा मुसियालाले गोल […]
September 8, 2024
एजेन्सी – इङ्ग्ल्यान्डले युइएफए नेसन्स लिगको गणतान्त्रिक आयरल्यान्डलाई हराएको छ। ग्रुप–टुमा शनिवार भएको खेलमा इङ्ग्ल्यान्ड २-० ले विजयी भएको हो। टोलीलाई जित दिलाउन डेक्लेन राइस र ज्याक ग्रेलिसले गोल गरे। राइसले ११ औं र ग्रेलिसले २६ औं मिनेटमा गोल गरेका हुन्। कार्यवहाक प्रशिक्षक लि कार्ल्सलीको नेतृत्वमा इङ्ग्ल्यान्डले सफलता प्राप्त गरेको हो। गेराथ साउथगेटले छोडयता इङ्ग्ल्यान्डको […]
September 8, 2024
काठमाडौं (हाम्रो खेलकुद) – बार्सिलोना फ्यान क्लब नेपाल (बार्सा नेपाल ) का रूपमा परिचित क्याटलान क्लब एफसी बार्सिलोनाको समर्थक समूहले एफसी बार्सिलोनाको आधिकारिक पेन्या (समर्थक क्लब) को मान्यता प्राप्त गरेको छ । पेन्या बार्सा दी एभरेस्टको नयाँ नाममा क्लबले आधिकारिकता प्राप्त गरेको हो । शनिबार एक कार्यक्रममाझ समर्थक क्लबले आफ्नो दर्ता पूरा भएको उपलक्ष्यमा भेटघाट कार्यक्रमको […]