11 months ago
October 4, 2023
एजेन्सी – म्यानचेस्टर युनाइटेडले युरोपेली च्याम्पियन्स लिग अन्तर्गत गालातासारायसँग ३-२ ले पराजित भएको छ। १० खेलाडीमा सिमित म्यानचेस्टर युनाइटेडले दोस्रो हार व्यहोरेको हो । युनाइटेडका रासमस होईलंडले दुई गोल गरे पनि जित टार्न सकेनन् ।
गालातासारायको जितमा विलफ्रिड जाहा, केरेम आक्तुरकोग्लु र माउरो इकार्डीले समान एक एक गोल गरे । होईलंडको गोलबाट युनाइटेडले खेलको १७ औं मिनेटमा अग्रता लिएको थियो ।
मार्कस र्यासफर्डको पासमा उनले गोल गरेका थिए । मात्र ६ मिनेटपछि जाहाले गोल गर्दै खेल बराबरीमा ल्याएका थिए ।
६७ औं मिनेटमा होईलंडले पुनः व्यक्तिगत दोस्रो गोल गर्दै फेरि अग्रता दिलाएका थिए । तर मात्र ४ मिनेटपछि गालातासाराय खेलमा फर्कियो । आक्तुरकोग्लुले बारिस यिलमाजको पासमा गोल गरेका थिए।
७७ औं मिनेटमा कासेमिरो दोहोरो पहेँलो कार्ड खाँदै मैदान बाहिरिँदा युनाइटेड १० खेलाडीमा सिमित भएको थियो। उनको दोस्रो पहेँलो कार्डमा गालातासारायले पेनाल्टी पाएको थियो। तर इकार्डीले उक्त पेनाल्टीमा गोल गर्न नसक्दा आफ्नो टिमलाई अग्रता दिलाउन सकेनन्। त्यसको चार मिनेटपछि इकार्डीले नै गोल गर्दै गालातासारायका लागि जित सुनिश्चित गरे।
यस खेलपछि समूह चरणमा युनाइटेड दुवै खेलमा पराजित हुँदै अंकविहिन छ। गालातासारायको दुई खेलमा चार अंक छ।
यस्तै सोही समूहमा भएको अर्को खेलमा बायर्न म्युनिखले एफसी कोपनहेगन माथि पुनरागमन जित हासिल गर्यो। ५६औं मिनेटमा लुकास लेरागरले गोल गर्दै कोपनहेगनलाई अग्रता दिएका थिए ।
तर ६७औं र ८३औं मिनेटमा क्रमश जमाल मुसियाला र माटियास टेलले गोल गर्दै पुनरागमन जित दर्ता गरे। बायर्नको दुई खेलमा छ अंक रहँदा कोपनहेगनको दुई खेलमा एक अंक छ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]