पनौतीमा योगेन्द्र स्मृति कप फुटबल हुने

पनौती (हाम्रो खेलकुद) – काभ्रेको पनौती नगरपालिकामा यसै साता योगेन्द्र स्मृति कप फुटबल प्रतियोगिता सुरु हुँदैछ । प्रतियोगिताको तयारी अन्तिम चरणमा रहेको आयोजक समितिका सदस्य प्रतिक महतले जानकारी दिएका छन् ।

पनौतीका फुटबल खेलाडी स्वर्गीय योगेन्द्र तामाङको स्मृति मा असोज २० गतेदेखि कात्तिक ३ गतेसम्म क्षेत्रीय रंगशाला पनौतीमा हुने प्रतियोगितामा काठमाडौं, भक्तपुर र ललितपुरका गरी जम्मा २२ टिमले सहभागिता रहने बताइएको छ ।

महतका अनुसार प्रतियोगिताको विजेताले उपाधिसहित १ लाख र दोस्रो हुने टोलीले ५० हजार रुपैयाँ प्राप्त गर्नेछ । प्रतियोगितामा उत्कृष्ट खेलाडी, इमर्जिङ खेलाडी, सर्वाधिक गोलकतर्ता र उत्कृष्ट गोलकिपरलाई पुरस्कृत गरिनेछ ।