नेपालको सुरुवाती-११ मा एक परिवर्तन

काठमाडौं (हाम्रो खेलकुद) – नेपालले साफ यू-१९ च्याम्पियनसिप अन्तर्गत दोस्रो सेमिफाइनलमा भारतविरुद्ध सुरुवाती ११ मा एक परिवर्तन गरेको छ । नेपालका प्रशिक्षक सुनिल श्रेष्ठले दोस्रो खेलका लागि आफ्नो सुरुवाती ११ सार्वजनिक गरेका हुन्।

समूह चरणको अन्तिम खेलमा रातो कार्ड खाँदै आज खेल्न बाट बञ्चित भएका सुजन डंगोलको स्थान कुशल देउवाले लिएका छन्।

नेपाल पहिलो खेलमा बिहीबार पाकिस्तानसँग १–० ले पराजित भएपनि दोस्रो खेलमा माल्दिभ्सलाई ४-१ गोल अन्तरले हराउदै सेँडीनलको यात्रा तय गरेको थियो। भारतले भने बंगलादेश र भुटानलाई हराउदै सेमिफाइनल प्रवेश गरेको थियो।

यो खेलको विजेताले फाइनलमा पाकिस्तानको सामना गर्ने छ। पाकिस्तानले आज पहिलो सेमिफाइनलमा भुटानलाई पेनाल्टी सुटआउटमा ६-५ ले हराउदै फाइनलको प्रवेश गरेको छ।

नेपालको सुरुवाती ११ :

जियारथ शेख (कप्तान, गोलकिपर), आयुष तिम्सिना, दीपक थापा मगर, निनसाङ पराङ्देन्, अश्विन घोरासैनी, समीर तामाङ, प्रशान्त लक्सम, निराजन धामी, अनिल बम्जन, कुशल देउवा, अविनाश स्याङतान