पोखरा (हाम्रो खेलकुद) – आहा रारा गोल्ड कप फुटबल प्रतियोगितामा बुधबार एपिएफ र धरान फुटबल क्लबबीचको प्रतिस्पर्धाको पहिलो हाफसम्म गोलरहित बराबरी भएको छ ।

दुवै टोलीले थोरै मात्र अवसर पाएपनि उपयोग गर्न सकेनन् । १६ ओं मिनेटमा नवीन लामाको क्रसमा युवराज खड्काको प्रहार धरानका गोलकिपरले रोके । त्यस्तै एपिएफले २७ औं मिनेटमा गोल गर्ने राम्रो मौका खेल फाल्यो । कर्नरमा आएको बलमा राजेन्द्र रावलको प्रहारलाई धरानका गोलकिपरले जोगाएका थिए ।
३३ औं मिनेटमा धरानका निशान लिम्बुले गोल गरेपनि फिफा रेफ्री विकास महतले अफसाइड लिए । त्यस्तै २० औं मिनेटमा धरानका निशानको प्रहार एपिएफका गोलकिपर अमृतले रोके ।
एपिएफले अहिले सम्म आरा रारा गोल्डकप जित्न सकेको छैन ।
छैटौं संस्करणको फाइनलमा पुग्नु आहा रारा गोल्ड कप फुटबल प्रतियोगिताको एपिएफको अहिले सम्मको उच्च प्रदर्शन हो । अर्कोतिर आहा रारा गोल्ड कपको यसअघिका १२ पटक सहभागितामा धरानले एउटा मात्र खेल जितेको छ । २०७० को १२ औं आहा गोल्ड कपको आफ्नो पहिलो खेलमा धरानले आर्मीलाई २–१ ले हराएको थियो ।

आहा रारामा चौथो संस्करणपछि एपिएफ र धरान आज पहिलो पटक भिड्दैछन् । त्यति बेला २–२ को बराबरीपछि एपिएफ टाइब्रेकरमा ४–३ ले विजयी भएको थियो । आहा रारा गोल्डकप एपिएफको नवौं र धरानको १३ औं सहभागिता हो ।