12 months ago
September 17, 2023
एजेन्सी – स्पेनिस ला लिगा अन्तर्गत गएराति सम्पन्न खेलमा बार्सिलोनाले रियल बेटिसमाथि उत्कृष्ट जित निकालेको छ ।
बार्सिलोनाको फराकिलो ५-० जितमा जोआओ फेलिक्स, रोबर्ट लेवान्डोस्की, फेरान टोरस, राफिन्हा र जोआओ क्यान्सेलोले समान १-१ गोल गरे ।
सधैंझै सुरुवात देखि नै बलमा कब्जा जमाएको बार्सिलोनाले खेलमा अग्रता भने २५औं मिनेटमा लिएको थियो । यही सिजन लोनमा भित्रिएका पोर्चुगिज खेलाडी जोआओ फेलिक्सले क्लबका लागि पहिलो गोल गर्दै खेलमा अग्रता दिलाएका थिए । ओरीयल रोमेउको क्रसमा फेलिक्सले पहिलो प्रयासमा बलमा चाहेको जस्तो सम्पर्क नपाएपनी दोस्रो प्रयासमा किपरलाई छक्याउँदै बललाई जालि चुमाएका थिए ।
३२औं मिनेटमा रोबर्ट लेवान्डोस्कीले अग्रता दोब्बर बनाए । आन्द्रियास क्रिस्टेनसेनको पास फेलिक्सले छोडेर बेटिस डिफेन्सलाई चकित पारेपछि लेवान्डोस्कीले बललाई सहजै पोस्टको दिशा देखाए ।
४३औं मिनेटमा लेवान्डोस्कीलाई व्यक्तिगत दोस्रो गोल गर्ने अवसर आएको थियो तर उनको सट बेटिस गोलकिपर सिल्भाले बचाए ।
पहिलो हाफको थपिएको समयमा बेटिसले बार्सिलोनाको अग्रता घटाउने सुन्दर मौका पाएको थियो । रियल म्याड्रिडका पूर्व खेलाडी इस्कोको सुन्दर पासमा विलियन जोसेको प्रहार बार्सिलोनाका गोलरक्षक टेर स्टेगनले सुन्दर बचाउ गर्दै विफल परेका थिए ।
त्यसको एक मिनेट पश्चात जोआओ फेलिक्सले पनि व्यक्तिगत दोस्रो गोल गर्ने मौका पाएका थिए । फेरान टोरसको पासमा उनले लिएको सट बेटिस गोलकिपर सिल्भाले पुनः बचाए ।
५९औं मिनेटमा फेलिक्सले बललाई पोस्टमा पठाएपनि गाभी अफसाइड रहेको निर्णयले उनी व्यक्तिगत दोस्रो गोल गर्नबाट चुके । त्यसको तीन मिनेट पछि भने बार्सिलोनाले तेस्रो गोल गर्यो ।
यस सिजन पहिलो पटक सुरुवाती रोजाइमा परेका फेरान टोरेसले उत्कृष्ट फ्रि-किक प्रहार गर्दै गोल गरेका थिए । लियोनेल मेस्सीले सन् २०२१ मा क्लब क्लब छाडेदेखिको यो बार्सिलोनाका लागि पहिलो फ्रि-किक गोल समेत हो ।
६६औं मिनेटमा राफिन्हाले मैदान पसेको तीन मिनेटमा अर्को गोल थपे । उनको डी-बक्स बाहिर बाट प्रहार गरेको गोलको मद्दतले बार्सिलोनाले ४-० को अग्रता लिन सफल भएको थियो ।
८१औं मिनेटमा अर्का नयाँ अनुबन्ध पोर्चुगिज खेलाडी जोआओ क्यान्सेलोले पनि क्लबका लागि खाता खोले । बक्सको दायाँतर्फ बाट सटिक प्रहार गर्दै उनले अग्रता अझै सुदृढ बनाए ।
जित हासिल गरेको बार्सिलोना लालिगाको शीर्ष स्थानमा उक्लिएको छ। बार्सिलोनाको पाँच खेलमा १३ अंक रहेको छ । एक खेल कम खेलेको रियल म्याड्रिड १२ अंक सहित दोस्रो स्थानमा छ । म्याड्रिडले आज राती रियल सोसिएडाडको सामना गर्ने छ । उता हार बेहोरेको रियल बेटिस भने सात अंक सहित नवौं स्थानमा छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]