1 year ago
September 8, 2023
एजेन्सी– युईएफए यूरो छनोट अन्तर्गतको गएराति सम्पन्न खेलमा फ्रान्सले आयरल्याण्डलाई २-० गोलान्तरले सहजै पराजित गरेको छ। फ्रान्सको जितमा औरेलिम चाओमेनी र मार्कस ठुर्यामले १-१ गोल दर्ता गरेका हुन्।
फ्रान्सको घरेलु मैदान पार्क डेस प्रिन्सेसमा भएको खेलमा फ्रान्सले सुरुवाती समय देखि नै दबाब बनाइरहेको थियो। १९औं मिनेटमा रियल म्याड्रिडका चाओमेनीले उत्कृष्ट गोल गर्दै फ्रान्सलाई अग्रता दिलाएका थिए।
फ्रान्सले गरेको क्रस आयरल्याण्डका डिफेन्डर सेन डफिले क्लियर गर्दा किलियन अम्बाप्पेको खुट्टामा पुगेको थियो। उनले दिएको पासमा चाओमेनीले बक्स बाहिर बाट सट प्रहार गर्दा बलले जालीको दिशा लिएको थियो।
३९औं मिनेटमा अम्बाप्पेले अग्रता दोब्बर बनाएका थिए । तर गोल अफसाइड करार गरियो । दोस्रो हाफको सुरुवाती समयमा नै फ्रान्सले अग्रता दोब्बर बनायो। थियो हरनान्डेजको क्रसमा अम्बाप्पेको सट आयरल्याण्ड डिफेन्डर हरुलाई लागेर फर्किएको थियो। त्यही बेलामा ठुर्यामले राम्रो फिनिश गर्दै खेलमा फ्रान्सको अग्रता दोब्बर बनाए। त्यही दुई गोल जीतका लागि पर्याप्त बन्यो।
छनोटमा फ्रान्सकै समूहमा रहेको नेदरल्यान्ड्सले ग्रीस माथि ३-० जित हासिल गरेको छ। नेदरल्याण्ड्सको जितमा मार्टन डे रुन, कोडी गाकपो र वाउट वेगहोर्ट्सले १-१ गोल गरे। तालिकामा पाँच खेलमा सबै खेलमा जितेको फ्रान्स १५ अंक सहित शीर्ष स्थानमा छ। तीन खेलमा दुई खेल जितेको नेदरल्याण्ड्स दोस्रो स्थानमा छ। चार खेलमा छ अंक नै भएको ग्रीस गोल अन्तरका कारणले तेस्रो स्थानमा छ।
October 18, 2024
काठमाडौं (हाम्रो खेलकुद) – साफ महिला च्याम्पियनसिपमा आज आयोजक नेपालले भुटानसँग खेल्दैछ । नेपाल जितबाट प्रतियोगिताको सुरूवात गर्ने दाउमा रहनेछ । छोटो तयारीका बाबजुद नेपाली टिमले उपाधि जित्ने लक्ष्य बनाएको छ। यसको लागि आज जितबाट सुरूवात गर्न जरूरी छ। दशरथ रङ्गशालामा साँझ ५:३० बजे हुने खेलमा नेपाललाई घरेलु दर्शकको साथ रहनेछ । आजको खेलमा नेपालकी […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप अन्तर्गत उद्घाटन खेलमा भारतले पाकिस्तानमाथि जित दर्ता गर्दै विजयी सुरुवात गरेको छ । दशरथ रंगशालामा भारतले ५-२ को जित दर्ता गर्दै महत्त्वपूर्ण ३ अंक जोडेको छ । भारतले सुरुवाती समयमै गोल गर्दै सानदार सुरुवात गरेको थियो । पहिलो हाफमै एक समय ४-० को अग्रतामा रहेको भारत दोस्रो हाफमा […]
October 17, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत उद्घाटन खेलको पहिलो हाफमा भारतले पाकिस्तानविरुद्ध ४ गोल गरेको छ । दशरथ रंगशालामा जारी खेलमा भारतले पहिलो हाफमा ४-१ को अग्रता लिएको छ । खेलको सुरुवातदेखि आक्रमण बुनेको भारतले १७ मिनेटमै २ गोल गरेको थियो । गोलरक्षक निशा अशरफले गल्ती गर्दा भारतले सहजै अग्रता बढाएको थियो […]