1 year ago
August 27, 2023
एजेन्सी – इन्टर मायमीलाई एउटा उपाधि दिलाउन महत्वपूर्ण योगदान गरेका लियोनल मेस्सीले मेजर लिग सकर (एमएलएस) मा डेब्यू गरेका छन् । मेस्सीले एमएलएसको डेब्यू खेलमै गोल गरेपछि मायमीले आइतबार विहान न्यूयोर्क रेडबुल्सलाई २–० ले हराएको छ ।
मेस्सी यस खेलमा सुरुवाती ११ मा परेका थिएनन् । प्रशिक्षक जेरार्डो मार्टीनोले उनलाई विश्राम दिएका थिए। मेस्सीको बिना मैदानमा उत्रिएको मायामीले राम्रो खेल प्रदर्शन गरेको थियो ।
मायामीले ३७औं मिनेटमा अग्रता लियो। डिएगो गोमेजले नोआह एलेनको पासमा सटिक फिनिश गर्दै मायामिलाई सुरुवाती अग्रता दिलाएका थिए।
मेस्सी खेलको ६०औं मिनेटमा मैदान भित्रिदै अमेरिकी शीर्ष श्रेणीको लिगमा आफ्नो डेब्यु गरे । मैदानमा थोरै समयका लागि भ उनले गोल गर्दै आफ्नो टिमको जीत सुनिश्चित भने गरे ।
८९औं मिनेटमा जोर्डि अल्बाको उत्कृष्ट पास मेस्सीले बक्स भित्र पाएका थिए । त्यसपछि उनले चार डिफेन्डरलाई चकित पार्दै बेन्जामिन क्रेमासीलाई थ्रु-बल दिए । क्रेमासीले मेस्सीलाई नै खाली रहेको अवस्थामा पास दिएपछि मेस्सीले सहज गोल गर्दै जित सुनिश्चित गरे ।
सात पटकको बालोन डि ओर विजेता अर्जेन्टिनाका कप्तान मेस्सी यहि सिजन मायमीमा आबद्ध भएका थिए । मेस्सी र उनका पूर्व क्लब बार्सिलोनाका केहि सहकर्मी मायमीमा आबद्ध भएसँगै टोलीले उच्च प्रदर्शन गरेको छ ।
मेस्सीको यो अमेरिकामा ९ खेलमा ११औं गोल हो । उनले यस अघि लिग्स कप र युयस ओपन कपमा आफ्नो सहभागिता जनाइसकेका छन् । उनकै नेतृत्वमा मायमीले इतिहासको पहिलो उपाधि समेत जितेको थियो ।
जित सँगै मायामी एमएलएस पूर्वीय कन्फरेन्सको पुछार बाट माथि उक्लेको छ। २३ खेल खेलेको मायामीको २१ अंक रहेको छ।
एमएलसमा २९ टोलीको सहभागिता छ । मायमी पुछारबाट तेस्रो स्थानमा छ । यसअघिका ११ खेलमा लगातार हार समेत बेहोरेको मायमीको अहिले २१ अंक छ ।
अमेरिकी लिगमा रहेका टिमहरू दुई कन्फरेन्समा विभाजित रहेर लिग खेल्ने गर्छन् । हरेक कन्फरेन्सबाट ९ टिम प्लेअफमा प्रवेश गर्नेछन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]