1 year ago
August 24, 2023
एजेन्सी – अर्जेन्टिनी फरवार्ड लिओनेल मेस्सीको कप्तानीमा रहेको इन्टर मायमी यूएस ओपन कपको फाइनलमा प्रवेश गरेको छ ।
सिन्सिनाटिको मैदानमा भएको निकै प्रतिस्पर्धात्मक खेल टाइब्रेकरमा ५-४ ले जित्दै मायमी उपाधि भिडन्तमा स्थान बनाउन सफल भयो । सेमिफाइनलको निर्धारित समय २-२ र त्यसपछि अतिरिक्त समय थप १-१ गोलको बराबरीमा सकिएको थियो ।
निर्धारित समयको खेल २-२ को बराबरीमा सकिएपछि ३० मिनेट समय थप गरिएको थियो । मायमीले दोस्रो हाफको इन्ज्युरी समयको आठौं मिनेटमा बराबरी गोल फर्काउँदै हार टारेको थियो । त्यसपछि थप गरिएको समयमा मायमीले अग्रता लिएपनि सिन्सिनाटिले गोल फर्काएको थियो ।
टाइब्रेकरमा दुवै टोलीको सुरुवाती ४-४ प्रहारमा गोल भएको थियो । सिन्सिनाटिका हागलन्डले गरेको पाँचौ प्रहार मायमीका गोलरक्षक क्यालेन्डरले बचाए । त्यसपछि मायमीका लागि क्रेमास्कीले पेनाल्टीमा गोल गर्दै जित दिलाए ।
अमेरिकाको ९९ क्लब सहभागी भएको प्रतियोगितामा मेस्सी आउनुअघि नै मायमीले सेमिफाइनलसम्म पुगेको थियो । क्लबले यसअघि क्वाटरफाइनलमा बर्मिंघम एफसीलाई १-० र त्यसअघि नाशभिल एससीलाई २-१ ले हराएको थियो ।
यसै साता लिग्स कप जितेको मायमीले यूएस ओपन कप सेमिफाइनलमामा भने निकै संघर्ष गर्नुपर्यो । दोस्रो हाफको सुरुवातमा २-० को स्थितिबाट पुनरागमन गर्दै मायमीले खेललाई अतिरिक्त समयमा धकेलेको थियो ।
खेलको १८ औं मिनेटमा घरेलु टोली सिन्सिनाटिले अग्रता लियो । लुसियानो अकोस्टाले गोल गर्दै मायमीलाई स्तब्ध पारेका थिए । दोस्रो हाफको ५३ औं मिनेटमा ब्रान्डन भाज्केजले गोल गर्दै २-० को अग्रता दिलाए ।
६८ औं मिनेटमा मायमीका लागि लिओनार्डो काम्पानाले गोल गर्दै खेलमा फर्कने संकेत दिए । लिओनेल मेस्सीको फ्रिकिकमा काम्पानाले हेडरमार्फत सहजै गोल गरेका थिए ।
इन्ज्यूरी समयका लागि थप गरिएको आठौं मिनेटको अन्तिम समयमा मायमीले गोल गर्दै खेललाई अतिरिक्त समयमा लम्ब्यायो । मेस्सीकै लामो पासमा काम्पानाले हेडरमार्फत गोल गरेका थिए ।
अतिरिक्त समयको पहिलो हाफमै मायमीले खेलमा अग्रता बनायो । क्रेमास्कीको पासमा बेन्चबाट आएका जोसेफ मार्टिनेजले गोल गर्दै ३-२ को अवस्थामा ल्याए ।
तर अतिरिक्त समयको दोस्रो हाफमा सिन्सिनाटिले खेल बराबरी गर्यो । युया कुबोले १ सय १४ औं मिनेटमा गोल गर्दै खेल ३-३ को स्थितिमा ल्याए । उनले पेनाल्टी क्षेत्रको ठिक भित्रबाट गरेको प्रहार गोल भएको थियो । त्यसपछि खेल टाइब्रेकरमा पुगेको थियो ।
अब उपाधि भिडन्तमा ह्युस्टन डाइनामो र रियल साल्ट लेकबीच चलिरहेको दोस्रो सेमिफाइनलको विजेतासँग प्रतिस्पर्धा हुनेछ । फाइनल सेप्टेम्बर २७ मा खेलिनेछ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]