1 year ago
August 19, 2023
एजेन्सी – इंग्लिस प्रिमियर लिग अन्तर्गत शनिबार लिभरपुल र ब्राइटनले जित हासिल गरेका छन् । ब्राइटनले वल्भ्स र लिभरपुलले बर्नमाउथलाई पराजित गर्दै ३-३ अंक हासिल गरे।
दोस्रो हाफमा १० खेलाडीमा सिमित भएको लिभरपुलले ३-१ को पुनरागमन जित दर्ता गर्यो । लिभरपुलको जितमा लुइस डियाज, मोहम्मद सालाह र डिएगो जोटाले समान एक गोल गरे । बर्नमाउथका लागि एन्टोवान सेमेन्योले एकमात्र गोल गरेका थिए ।
खेलको तेस्रो मिनेटमा नै बर्नमाउथले एन्टोवान सेमेन्योको गोल मार्फत अग्रता लिएको थियो। खेलको २८औ मिनेटमा डियाजले गोल गर्दै खेल बराबरीमा ल्याएका थिए ।
त्यसको आठ मिनेट पश्चात बर्नमाउका रोथवेलले पेनाल्टी बक्स भित्र फ़ाउल गरेपछि लिभरपुललाई पेनाल्टीमार्फत अग्रता लिने अवसर प्राप्त भयो । सलाहको पेनाल्टी बोर्नमाउथका गोलरक्षक नेटोले बचाउन सफल भएपनि सलाहले रिबाउन्डमा गोल गर्दै लिभरपुललाई अग्रता दिलाएका थिए ।
दोस्रो हाफको ५८औ मिनेटमा अलेक्सिस मकालिस्टरले रातो कार्ड पाएपछि लिभरपुल दश खेलाडीमा सिमित भएको थियो । तर त्यसको चार मिनेट पछि नै जोटाले गोल गर्दै लिभरपुलको अग्रता दोब्बर बनाए र जित सुनिश्चित गरे ।
यस्तै शनिबारकै अर्को खेलमा ब्राइटनले वल्भ्समाथि ४-१ को जित निकाल्यो । ब्राइटनका लागि सोली मार्चले दुई गोल तथा काओरु मिटोमा र पर्विस इस्टुपिन्यानले समान १-१ गोल गरे । खेलमा सुरुदेखि नै ब्राइटन हावी भएको थियो । खेलको १५ औं मिनेटमा मिटोमाले उत्कृष्ट एकल गोल गरेर ब्राइटनलाई अग्रता दिलाएका थिए ।
दोस्रो हाफको पहिलो मिनेटमै इस्टुपिन्यानले मिटोमाकै पासमार्फत गोल गर्दै अग्रता दोब्बर गरे । त्यसपछिको दुई गोल नै मार्चले थपे । मार्चले ५१ औं र ५६ औं मिनेटमा गरेको दुवै गोलमा जुलिओ एन्सिजोको असिस्ट रहेको थियो ।
साथै, आजै भएको तेस्रो खेलमा ब्रेन्टफर्डले फुल्हममाथि ३-०को सहज जित निकाल्यो । ब्रेन्टफर्डका लागि ब्रायन एम्बुएमोले दुई गोल गरे भने योआने विसाले एक गोल थपे।
प्रिमियर लिग अन्तर्गत आज राति थप दुई खेल हुँदै छन् । नेपाली समय अनुसार १०:१५ बजे हुने खेल्न टोटेनहम हट्सपरले म्यानचेस्टर युनाइटेडको सामना गर्नेछ भने मध्यराति १२:४५ बजे हुने खेलमा म्यानचेस्टर सिटीले न्युक्यासल युनाईटेडसंग खेल्नेछ ।
September 8, 2024
काठमाडौं (हाम्रो खेलकुद) – बार्सिलोना फ्यान क्लब नेपाल (बार्सा नेपाल ) का रूपमा परिचित क्याटलान क्लब एफसी बार्सिलोनाको समर्थक समूहले एफसी बार्सिलोनाको आधिकारिक पेन्या (समर्थक क्लब) को मान्यता प्राप्त गरेको छ । पेन्या बार्सा दी एभरेस्टको नयाँ नाममा क्लबले आधिकारिकता प्राप्त गरेको हो । शनिबार एक कार्यक्रममाझ समर्थक क्लबले आफ्नो दर्ता पूरा भएको उपलक्ष्यमा भेटघाट कार्यक्रमको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]