1 year ago
August 17, 2023
काठमाडौं (हाम्रो खेलकुद) – साउदी अरबको लिगमा युरोपेली स्टारको आगमनले देशको फुटबलमा क्रान्ति नै ल्याएको छ । साउदीको यो प्रयासले अब एसियाली महादेशमा रहेका अन्य राष्ट्रलाई पनि सहयोग पुग्ने देखिन्छ ।
एसियाको अन्तर महादेशीय क्लब प्रतियोगिता, एसियाली च्याम्पियन्स लिग र एएफसी कपमा साउदी क्लबले पनि सहभागिता जनाउँदै आएका छन् । यस्तोमा दक्षिण एसियाली क्लबले पनि साउदी अरबको क्लबविरुद्ध खेल्ने समीकरण बन्न सक्छ ।
भारतको प्रतिनिधित्व गर्दै मुम्बई सिटी फुटबल क्लब यस सिजन च्याम्पियन्स लिगको लागि छनोट भइसकेको छ । प्लेअफबाट बसुन्धरा किंग्सले भने जित हासिल गर्न नसक्दा एएफसी कप खेल्नुपर्यो । तर यसका बाबजुद साउदी क्लबका स्टार भारत आउने सम्भावना भने जीवित छ ।
च्याम्पियन्स लिगको पश्चिम क्षेत्रमा यसपटक साउदी क्लब अल हिलाल, अल इतिहाद र अल फायहा छनोट भइसकेका छन् । अल नासर पनि प्लेअफमा यूएईको शबाब अल अहलीलाई हराएर समूह चरणमा छनोट हुने लक्ष्यमा छ । त्यसो हुँदा मुम्बईको समूहमा साउदी टोली पर्ने सम्भावना छ ।
कुनैपनि समूहमा एकै राष्ट्रका दुई टोली नपर्ने नियम रहेकाले मुम्बईको समूहमा कम्तीमा एक साउदी टोली पर्ने प्रबल सम्भावना छ । अल हिलालमा नेयमार, रुबेन नेभेस, सर्गे मिलिन्कोभिच साभिच, कालीडु कौलीबाली र माल्कम छन् ।
अल इतिहादमा करीम बेन्जेमा, एनगोलो कान्टे, फाबिन्हो, जोटा र रोमारिन्हो आबद्ध छन् । त्यस्तै अल फायहामा भिक्टर रुइज खेलिरहेका छन् । अल नासरले भने प्लेअफ पार गरे क्रिस्टियानो रोनाल्डो, साडियो माने, लगायत खेलाडी भारत आउने सम्भावना रहन्छ ।
अल नासरले २२ अगस्टमा च्याम्पियन्स लिगमा स्थान बनाउन प्लेअफ खेल खेल्नेछ । उक्त खेलमा पराजित भएको अवस्थामा भने टोलीले दोस्रो श्रेणीको प्रतियोगिता एएफसी कप खेल्नुपर्ने हुन्छ । प्लेअफ जितेमा भने टोली च्याम्पियन्स लिगको समूह चरण खेल्न छनोट हुनेछ ।
समूह चरणको ड्र अगस्ट २४ मा हुने तालिका रहेको छ । हरेक समूहमा ४ टोली हुनेछन् र शीर्ष टोलीसँगै उत्कृष्ट ३ उपविजेताले नकआउट चरणमा प्रतिस्पर्धा गर्नेछन् । समूह चरणमा सहभागी टोलीले होम एण्ड अवेका आधारमा १८ सेप्टेम्बरदेखि १३ डिसेम्बरसम्म ६ खेल खेल्नेछन् ।
त्यसो त नेपालको मछिन्द्र फुटबल क्लबले प्लेअफ चरण पार गरेर एएफसी कपको समूह चरणमा पुगेको भए भविष्यमा एसियाका शीर्ष क्लबको सामना गर्ने सम्भावना थियो । तर मोहन बगानविरुद्ध प्लेअफको दोस्रो चरणमा हारेसँगै नेपालको यस सिजनलाई त्यो सम्भावना सकिएको छ ।
December 19, 2024
एजेन्सी – रियल म्याड्रिडले फिफा इन्टरकन्टिनेन्टल कपको उपाधि जितेको छ। स्पेनिस टोलीले रियलले म्याक्सिन क्लब पचुकालाई ३-० ले हराउँदै उपाधि जितेको हो। कतारको लुसिया रंगशालामा भएको खेलमा केलियन एम्बाप्पे, रोड्रिगो र भिनिसियस जुनियरले गोल गरेका थिए। दुई वर्ष अघि विश्वकप फाइनलमा एमबाप्पेले ह्याट्रिक गरेकै मैदानमा रियलका लागि पहिलो गोल गरे। उनले ३७ औं मिनेटमा पोस्टको […]
December 18, 2024
हिमाल खरेल, बिर्तामोड चर्च ब्वाइज युनाइटेड झापा कप फुटबल प्रतियोगिताको सेमिफाइनलमा प्रवेश गरेको छ । चर्च ब्वाइजले रुपन्देहीको गोर्खा ब्वाइज स्पोर्टस क्लबलाई ३-० गोलले हराउँदै सेमिफाइनलमा स्थान पक्का गरेको हो । डोमालाल रंगशालामा चर्च ब्वाइजका लागि दिपेश गुरुङ, विदेशी खेलाडी आर्मन्ड र डिकाले गोल गरे । खेलको २९ औँ मिनेटमा चर्च ब्वाइजले अग्रता लियो । […]
December 18, 2024
एजेन्सी – फिफा द वेस्ट अवार्ड यो वर्ष भिनिसियस जुनियर र आइताना बोनमतीले जितेका छन् । विश्व फुटबल महासंघ (फिफा)ले प्रदान गर्ने अर्वाड कतारमा मंगलबार राति आयोजना भएको थियो।ब्राजिल तथा स्पेनिस क्लब रियल म्याड्रिडका भिनिसियसलाई पुरुषतर्फ र स्पेन तथा बार्सिलोनाकी बोनमतीलाई महिलातर्फ उत्कृष्ट वर्ष फूटबलर २०२४ घोषित भएका हुन्। मिडफिल्डर बोनमतीले लगातार दोस्रो वर्ष फिफा […]
