2 years ago
August 14, 2023
काठमाडौं (हाम्रो खेलकुद)– त्रिभुवन आर्मी फुटबल क्लब भारतको डुरान्ड कपको आफ्नो दोस्रो खेलमा पराजित भएको छ । कोक्राझार साइ सेन्टर रंगशालामा सोमबार भएको खेलमा आर्मी चेन्नई फुटबल क्लबसँग ३–० ले पराजित भएको हो ।
पहिलो खेलमा आर्मी दिल्ली फुटबल क्लब संघ १–१ को बराबरीमा रोकिएको थियो । चेन्नईको जितमा फारख चौधरी, रहिम अली र मोहम्मद रफिकले गोल गरेका थिए । २२ औं मिनेटमा फारखको गोलबाट चेन्नईले अग्रता लिएको थियो ।
३८ औं मिनेटमा रहिम पेनाल्टीम गोल गर्दा चेन्नई पहिलो हाफमा २–० ले अगाडि रह्यो । ८३ औं मिनेटमा मोहम्मदले गोल गरेपछि चेन्नईको जित सहज रह्यो ।
दुई खेलमा पहिलो हार बेहोरेको आर्मी समूह इको पुछारमा छ र टोलीको एक अंक छ । दुवै खेल जितेको चेन्नई ६ अंकसहित अन्तिम आठमा पुगेको छ । पहिलो खेलमा चेन्नईले हैदराबाद फुटबल क्लबलाई ३–१ ले हराएको थियो । आर्मीले समूह चरणको अन्तिम खेल भदौ ५ गते हैदराबादसँग खेल्नेछ ।
दिल्लीको २ र हैदारबादको १ अंक छ । समूहमा अब चेन्नई र दिल्ली तथा आर्मी र हैदराबादबीच प्रतिस्पर्धा हुनेछ । आर्मीले अन्तिम खेल जितेमा र चेन्नईसँग दिल्ली बराबरमा रोकिए वा हारेको अवस्थामा आर्मी उत्कृष्ट उपविजेताका रुपमा अन्तिम आठमा पुग्ने सम्भावना रहन्छ ।
March 17, 2025
हिमाल खरेल, बिर्तामोड नेपाल सुपर लिग (एनएसएल) ट्रफी झापाका विभिन्न स्थानमा प्रदर्शन गरिएको छ । काठमाडौंमा चैत १६ गते सुरु हुने एनएसएलको ट्रफी आज झापा जिल्ला खेलकुद विकास समितिअन्तर्गत मेची रंगशाला भद्रपुरमा प्रदर्शन गरिएको झापा तथा भद्रपुर झापा गोल्डकपका सचिवालयले जानकारी दिइएको छ। रंगशाला परिसरमा आयोजित ट्रफी प्रदर्शनी कार्यक्रममा समितिका अध्यक्ष प्रशान्त भण्डारी, नेपाल उद्योग […]
March 17, 2025
काठमाडौं (हाम्रो खेलकुद)- एएफसी एसियन कप छनोट र मैत्रीपूर्ण खेलका लागि २३ सदस्यीय राष्ट्रिय फुटबल टोलीको घोषणा भएको छ। अखिल नेपाल फुटबल संघ (एन्फा) का अनुसार टोलीका मुख्य प्रशिक्षक म्याट रोसले सोमवार टोलीको घोषणा गरेका हुन्। गोलरक्षक अञ्जल श्रेष्ठ, डिफेन्डर रक्षक सुमन श्रेष्ठ र स्ट्राइकर सुवास बम ठकुरी पहिलो पटक राष्ट्रिय टोलीमा स्थान बनाउन सफल […]
March 17, 2025
काठमाडौं (हाम्रो खेलकुद)- ललितपुर सिटी एफसीबाट नेपाल सुपर लिग (एनएसएल) खेल्न सेनेगलका पापे अब्दुलाह देकिते सोमवार काठमाडौं आइपगेका छन् । ३२ वर्षिय देकितेले फुटबल करियर विभिन्न अन्तर्राष्ट्रिय क्लबबाट खेलिसकेका छन्। उनले अफ्रिका, एसिया, र अन्य महादेशका विभिन्न लिग खेलेका छन्। उनले भियतनामको टप डिभिजन लिग भि वान लिग समेत खेलेका छन् । देकितेले गत वर्ष […]
