काठमाडौं, असोज ३

साफ यु १९ च्याम्पियनसिपको उपाधि जितेको तीन सातापछि नेपाल एएफसी यु १६ च्याम्पियनसिपको अन्तिम चरणका लागि छनोट भएको थियो । बराबरी गरे समूह बीको विजेता बन्ने मौका हुँदा ओमानसँग अन्तिम खेल ३-१ ले गुमाएपछि नेपालको सम्भावना कमजोर बनेको थियो । समूह विजेता बन्न नसेपनि ११ समूहको उत्कृष्ट उपविजेता बन्दै नेपालससँगै ५ राष्ट्ले अर्को बर्ष भारतमा आयोजना हुने अन्तिम चरणमा प्रवेश पाएका हुन् ।

जोर्डनलाई २-१ ले हराउँदै उत्कृष्ट सुरुआत गरेको नेपालले दोस्रो खेलमा कीर्तिस्तानलाई ४-२ ले निराश पारेको थियो । अन्तिम खेलमा भने नेपाल चुकेको थियो । अर्को खेलमा कीर्गिस्तानले जोर्डनलाई पराजित गरेपछि नेपाल समूह उपविजेता बनेको हो । सबै समूहको खेल सकिएपछि नेपालसहित पाँच राष्ट्को अघिल्लो चरणको यात्रा पक्का भएको थियो । नेपालसहित अन्तिम चरणको आयोजक भारत, संयुक्त अरब इमिरेट्स (युएइ),थाइल्यान्ड र भियतनाम अन्तिम चरण पुग्न सफल उत्कृष्ट उपविजेता हुन् ।

समूहको विजेताका रुपमा जापान, दक्षिण कोरिया, उत्तर कोरिया, अस्ट्ेलिया,मलेसिया, कुवेत, इरान, साउदी अरेबिया, इराक, ओमान र उज्वेकिस्तान स्वतः अन्तिम चरणका लागि छनोट भएका हुन् । अन्तिम चरणमा समूह विजेता ११ र उत्कृष्ट ५ गरि १६ राष्ट्बीच प्रतिस्पर्धा हुनेछ । एएफसी यु १६ च्याम्पियनसिपको सेमिफाइनल पुग्ने ४ टोलीले दुई बर्षपछि भारतमै हुने यु १७ को विश्वकप खेल्नेछन् ।

नेपाल यु १६ च्याम्प्यिनसिपको अन्तिम चरणका लागि छनोट भएको यो लगातार दोस्रो र समग्रमा चौथो पटक हो । यसअघि बालगोपाल महर्जनको प्रशिक्षण र विमल घर्ती मगरको कप्तानीमा नेपाल यु १६ को अन्तिम चरणका लागि छनोट भएको थियो । यसपटक यु १६ लाई अर्का राष्ट्यि टोलीका पूर्व कप्तान उपेन्द्रमान सिंहले प्रशिक्षण दिएका छन् । सेप्टेम्बरको अन्त्यमा नेपालले इरानमा हुने एएफसी यु १९ को समूह चरणमा प्रतिस्पर्धा गर्नेछ ।