1 year ago
June 29, 2023
एजेन्सी – जर्मन फरवार्ड काई हाभर्टज इंग्लिस क्लब चेल्सी छाडेर अर्काे इंग्लिस क्लब आर्सनलमा अनुबन्धित भएका छन् ।
आर्सनलले काई हाभर्ट्जलाई चेल्सीबाट सन् २०२८ सम्म ६५ मिलियन पाउण्डमा पाँच वर्षको सम्झौतामा अनुबन्ध गरेको छ । गत सिजन चेल्सीका लागि ९ गोल गरेका हाभर्ट्जको शुल्क एड–अनसँग बढ्न सक्छ ।
चेल्सीमा हाभर्ट्जको सम्झौता २०२५ सम्म रहेको थियो । तर, उनी चेल्सीमा सम्झौता विस्तार गर्न सहमत भएनन् । बायर लिभरकुसेनबाट ७१ मिलियन पाउण्डमा चेल्सीका आएका २४ वर्षीय काईले स्टामफोर्ड ब्रिजमा तीन वर्ष बिताए ।
हाभर्ट्जले प्रिमियर लिगमा ९१ खेलमा १९ गोल गरेका छन् र २०२१ च्याम्पियन्स लिगको फाइनलमा म्यानचेस्टर सिटीविरुद्धको खेलमा उनले विजयी गोल गरेका थिए ।
५ वर्षको अनुपस्थितिपछि च्याम्पियन्स लिगमा स्थान बनाएको आर्सनलका प्रशिक्षक मिकेल अर्टेटाले टोलीलाई बलियो बनाउने प्रयास गरिरहेको छ ।
काईले सामाजिक सन्जालमा चेल्सीका समर्थकहरुलाई बिदाई माग्दै ‘सबै समर्थनको लागि धेरै धेरै धन्यवाद, हामीले सँगै च्याम्पियन्स लिग जित्ने सपना पूरा ग¥यौं ।’ भनेर लेखेका छन् । आफ्नो स्थानान्तरणको घोषणापछि आर्सनलको वेबसाइटमा बोल्दै हाभर्ट्जले नयाँ क्लबसँग ‘ट्रफी जित्ने’ लक्ष्य रहेको बताएका छन् ।
‘यो अद्भुत क्लबमा सामेल हुन र आर्सनल परिवारको हिस्सा बन्न पाउनु मेरो लागि अति रोमाञ्चक छ ।’ हाभर्ट्जले भने, ‘यो क्लबको ठूलो इतिहास छ, र मलाई आशा छ कि हामीले धेरै चीजहरू हासिल गर्न सक्छौं ।’
यस्तै आर्सनलले वेस्ट ह्याम र इङ्ल्यान्डका मिडफिल्डर डेक्लान राइसका लागि १०५ मिलियन पाउण्डको तेस्रो बोली पनि पेश गरेको छ।
यता, चेल्सीले आफ्नो टोलीको आकार घटाउन खोजिरहेको छ र क्रोएसियाका मिडफिल्डर माटियो कोभासिस म्यानचेस्टर सिटीमा पुगेको छ ।
रुबेन लोफ्टस चीक एसी मिलान जाने पक्का भइसकेको छ । एन’गोलो कान्टे, एडुआर्ड मेन्डी र कालिडो कोउलिबाली साउदी अरेबियाको क्लबमा पुगेका छन् । टिमोउ बाकायोको पनि फ्रि एजेन्ट बन्दै क्लब छाडिसकेका छन् ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]