1 year ago
June 28, 2023
एजेन्सी – भेट्रान फरवार्ड मार्टालाई समेट्दै ब्राजिलले अर्काे महिनादेखि अष्ट्रेलिया र न्युजिल्यान्डमा आयोजना हुन लागेको फिफा महिला विश्वकपको लागि अन्तिम टोली घोषणा गरेको छ ।
ब्राजिलले ३ वैकल्पिक खेलाडीसहित २६ सदस्यीय टोली घोषणा गर्दा कीर्तिमानी गोलकर्ता मार्टालाई पनि टोलीमा समेटेको हो ।ब्राजिलको टोलीमा परेसँगै ६ पटक फिफा वर्ष खेलाडीको अवार्ड जितेकी ३७ वर्षीय मार्टा ६ संस्करणको विश्वकप खेल्ने खेलाडी बन्नेछिन् ।
मार्टाको नाममा विश्वकपमा सबैभन्दा बढी गोल (१७) गोल गर्ने कीर्तिमान छ । यो पुरुष र महिलामा कीर्तिमान हो । ‘मार्टा रानी हुन्, उनी एक प्रतिमा हुन् ।’ ब्राजिलका प्रशिक्षक पिया सुन्धगेले भने, ‘उनी पहिलो रोजाईमा हुन्छिन् कि हुँदैनन् त्यो मलाई थाहा छैन । मैले उनलाई दिने भूमिका उनले निर्वाह गर्नेछिन् र म विश्वस्त छु कि उनले राम्रो गर्नेछिन् ।’
सन् २०१९ को जुलाईदेखि ब्राजिलको प्रशिक्षक रहेकी प्रशिक्षक पिया सुन्धगेको यो पहिलो विश्वकप हुनेछ । सन् १९९१ देखि शुरु भएको फिफा महिला विश्वकपमा ब्राजिलले सबै संस्करणमा सहभागिता जनाएपनि उपाधि जित्न सकेको छैन । ब्राजिलको सबैभन्दा उत्कृष्ट नतिजा सन् २००७ मा उपविजेता बन्नु हो ।
विश्वकपको लागि अष्ट्रेसलया र न्युजिल्यान्ड जानुअघि ब्राजिलले चिलीसँग मैत्रीपूर्ण खेल खेल्नेछ । यो खेल २ जुलाईमा हुनेछ । महिला विश्वकप अष्ट्रेलिया र न्यूजिल्याण्डमा जुलाई २० बाट सुरु हुँदैछ । ब्राजिल रहेको समूह ‘एफ’ मा फ्रान्स, जमैका र पानामा छ ।
फिफा महिला विश्वकपका लागि ब्राजिलको टोली
गोलरक्षक – कामिला, लेटिसिया इजिडोरो र बारबरा
डिफेन्डर – एन्टोनिया, ब्रुनिन्हा, क्याथेलेन, मोनिका, लरेन, तामिरेस र राफएली
मिडफिल्डर – एड्रियाना, एरी, एना भिटोरिया, डुडा साम्पाइओ, लुआना र केरोलिन
फरवार्ड – विया जेनोराटो, गावी नुनेस, गेसी, मार्टा, नेकोल रेस्ला, डेविन्हा र एन्ड्रेसा आल्भेस
वैकल्पिक – ताइनारा, एलिन गोमेस र एन्जेलिना
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]