एजेन्सी – क्रोएसियाका मिडफिल्डर तथा कप्तान लुका मोड्रिचले स्पेनिस क्लब रियल म्यड्रिडसँग सम्झौता नविकरण गरेका छन् ।

लुका मोड्रिचले रियलमा एक वर्षको नयाँ सम्झौतामा हस्ताक्षर गरेका हुन् । यससँगै मोड्रिच सन् २०२४ को समरसम्म रियल म्याड्रिडमा रहनेछ ।

मोड्रिच साउदी अरेबियाको क्लबसँग जोडिएपनि उनी थप एक वर्ष सान्टियागो बर्नबेउमै बस्ने निर्णय गरेका हुन् । ३७ वर्षीय मोड्रिच सन् २०१२ मा इंग्लिस क्लब टोटेनहम हटस्परबाट रियल आएका थिए ।

उनले रियलका लागि ४८८ खेल खेलेका छन् । उनले रियलबाट तीन पटक ला लिगा र पाँच पटक च्याम्पियन्स लिग जितेका छन् । क्रोएसिया विश्वकपको फाइनलमा पुग्दा उनले २०१८ मा बालोन डी’ओर पनि जितेका थिए ।

आफ्नो नयाँ सम्झौताको घोषणापछि मोड्रिचले ट्विटरमा ‘होम स्वीट होम’ लेखेका छन् । यस्तै मोड्रिच रियलमा सम्झौता नविकरण गर्ने तेस्रो खेलाडी बनेका छन् ।

यसअघि टोनी क्रुस, ड्यानी सेबालोस र नाचो फर्नान्डेजले रियलमा सम्झौता नविकरण गरिसकेका छन् । मोड्रिच अझै पनि रियलको प्रमुख खेलाडी नै रहेको छ ।

रियलले यसै समरमा जर्मन क्लब बोरुसिया डर्टमन्डबाट इंग्ल्याण्डका युवा मिडफिल्डर जुड बेलिङहमलाई अनुबन्ध गरिसकेको छ । अब रियलको मिडफिल्डमा थप प्रतिस्पर्धा हुने भएको छ ।

रियलको मिडफिल्डमा मोड्रिचसँगै टोनी क्रुस, फेडे भाल्भेर्डे, इडुआर्डाे कामाभिंगा, ओरेलिएन चुआमेनीसँगै जुड बेलिङह छन् ।