1 year ago
June 24, 2023
एजेन्सी – पोर्चुगिज मिडफिल्डर रुवेन नेभेस क्लबको कीर्तिमानी मुल्यमा साउदी प्रो लिग क्लब अल हिलालमा अनुबन्धित भएका छन् ।
ल हिलालले २६ वर्षीय नेभेसलाई इंग्लिस क्लब वल्भ्सबाट क्लबको कीर्तिमानी मुल्य ४७ मिलियन पाउन्डमा अनुबन्ध गरेको हो । वल्भ्समा सम्झौता अवधि अझै एक सिजन बाँकी रहेपनि उनले ६ वर्षको मोलिनक्स बसाई बिट मारेका हुन् ।
नेभेस साउदी अरेबियाको प्रो लिगका लागि युरोपेली क्लब छोड्ने पछिल्लो ठूला खेलाडी हुन् । यस महिनाको सुरुमा फ्रान्सेली फरवार्ड करिम बेन्जेमा र मिडफिल्डर अल इतिहादमा अनुबन्धित भइसकेका छन् ।
गत जनवरीमा रोनाल्डोले अल नासर पुगेसँगै युरोपको शीर्ष डिभिजनमा सानदार प्रदर्शन गरिरहेका खेलाडीहरुको गन्तव्य साउदी अरेबिया बनेको छ ।
चेल्सीका गोलकिपर एडुआर्ड मेन्डी पनि अल अहलीमा अनुबन्ध नजिक रहँदा म्यानचेस्टर सिटीका पोर्चुगिज मिडफिल्डर बर्नार्डो सिल्भा अल–हिलालले लक्षित गरिहेको छ ।
नेभेसले गत सिजनको अन्त्यमा बार्सिलोनाबाट खेल्ने आफ्नो महत्वाकांक्षी रहेको बताएपनि बार्सिलोनाले कुनै प्रक्रिया नै अघि बढाएन । अल–हिलालले भुक्तान गरेको शुल्क सन् २०२० मा लिभरपुलले डिएगो जोटालाई तिरेको भन्दा बढी हो ।
नेभेस सन् २०१७ मा पोर्चुगिज क्लब पोर्टाेबाट च्याम्पियनसिप क्लब वल्भ्समा अनुबन्ध भएका थिए । नेभेसकै समय २०१७–१८ मा वल्भ्स च्याम्पियनसिपबाट शीर्ष डिभिजनमा बढुवा हुन सफल भएको थियो । नेभेसले वल्भ्समा ६ सिजन बिताउँदा २५३ खेलमा ३० गोल गरेका छन् ।
July 2, 2024
एजेन्सी – यूरो कप २०२४ का अन्तिम दुई प्रिक्वाटरफाइनल खेलहरु आज हुँदै छन् । दिनको पहिलो खेलमा आज नेपाली समय अनुसार बेलुका ९:४५ बजे म्युनिखमा नेदरल्यान्ड्स र रोमानिया भिड्दै छन् । रोमानिया बेल्जियमलाई उछिन्दै समूह ई को विजेता बनेको थियो । समूहमा सबै टोलीको समान ४ अंक भएपनि रोमानिया गोलअन्तरका आधारमा शीर्ष स्थानमा रहेको थियो […]
July 2, 2024
एजेन्सी – आयोजक अमेरिका कोपा अमेरिका २०२४ को समूह चरणबाटै बाहिरिएको छ । समूह चरणको अन्तिम खेलमा उरुग्वे विरुद्ध पराजय भोगेसँग अमेरिका समूह चरणबाटै बाहिरिएको हो । अमेरिकालाई पराजित गर्न उरुग्वेका लागि माथियस ओलिभिएराले ६६औं मिनेटमा खेलको एकमात्र गोल गरे । समूह सि का अन्तिम दुई खेल अघि अमेरिकाको र पानामाको ३-३ अंक हुँदा उरुग्वेको […]
July 2, 2024
एजेन्सी – गोलरक्षक डिओगो कोस्टाले टाइब्रेकरमा ३ पेनाल्टी बचाउँदा पोर्चुगल स्लोभेनियालाई हराउँदै युरोपेली च्याम्पियनसिप २०२४को क्वाटरफाइनलमा प्रवेश गरेको छ । निर्धारित समय र अतिरिक्त ३० मिनेटमा पनि गोल नहुँदा खेल टाइब्रेकरमा पुगेको थियो । फ्रान्कफर्टमा सम्पन्न खेलमा पोर्चुगलका कप्तान क्रिस्टियानो रोनाल्डोले अतिरिक्त समयमा पेनाल्टी चुकाउँदा खेल टाइब्रेकरसम्म पुगेको थियो । टाइब्रेकरमा गोलरक्षक कोस्टाले तीनै पेनाल्टी […]