1 year ago
June 21, 2023
एजेन्सी – युरोकप २०२४ को छनोटमा बेल्जियमले सानदार जित निकाल्दा पोल्यान्ड स्तब्ध बनेको छ । बेल्जियमले इस्टोनियामाथि ३–० को सहज जित हात पारेको हो ।
बेल्जियमको जितमा रोमेलु लुकाकुले दुई तथा जोहान बाकायोकोले एक गोल थपे । इस्टोनियामा मंगलबार राति भएको खेलको ३७औं मिनेटमा रोमेलु लुकाकुले गोल गर्दै बेल्जियमलाई १–० को अग्रता दिलाए । उनले एस्टरको पासमा गोल गर्न सफल भएका थिए ।
४०औं मिनेटमा लुकाकुले व्यक्तिगत र टोलीका लागि दोस्रो गोल गर्दै बेल्जियमलाई पहिलो हाफमा २–० को अग्रता दिलाए । उनले अर्थर थिटको पासमा गोल गर्न सफल भएका थिए ।
त्यसपछि ९०औं मिनेटमा जोहान बाकायोकोले गोल गर्दै बेल्जियमको जित पक्का गरे । उनले यान्निक कारास्कोको पासमा गोल गर्न सफल भएका थिए ।
यस जितसँगै समूह ‘एफ’ मा बेल्जियम ३ खेलबाट ७ अंक जोडेर दोस्रो स्थानमा यथावत छ । पराजित इस्टोनिया १ अंक जोडेर चौथो स्थानमा छ ।
यही समूहको अर्काे खेलमा अष्ट्रियाले स्वीडेनलाई २–० ले पराजित गरेको छ । अष्ट्रियाको जितमा दुवै गोल क्रिस्टोफ बोउमगार्टनरले गरे । यस जितले अष्ट्रिया चार खेलबाट १० अंक जोडेर शीर्षस्थानमा छ । पराजित स्वीडेन ३ अंक जोडेर तेस्रो स्थानमा छ ।
समूह ‘ई’ को खेलमा दुई गोलको अग्रता जोगाउन नसक्दा पोल्यान्ड मोल्दोभासँग ३–२ ले स्तब्ध बनेको छ । मोल्दोभाको पूनरागमन जितमा आयन निकोलेस्कुले दुई तथा भ्लाडेस्लाभ बाबोग्लोले एक गोल गरे । स्वीडेनका एर्काडिअस्ज मिलिक र कप्तान रोबर्ट लेवान्डोस्कीको गोल सान्त्वना बन्यो ।
मोल्दोभामा मंगलबार राति भएको खेलको १२औं मिनेटमा मिलिकको गोलबाट पोल्यान्डले अग्रता लिएको थियो । ३४औं मिनेटमा कप्तान रोबर्ट लेवान्डोस्कीले गोल गर्दै पोल्यान्डको अग्रता दोब्बर पारे । तर, त्यो दुई गोलको अग्रतालाई पोल्यान्डले जोगाउन नसक्दा पराजित हुन पुग्यो ।
४८औं मिनेटमा आयनले गोल गर्दै मोल्दोभालाई खेलमा फर्काउने संकेत दिए । ७९औं मिनेटमा आयनले व्यक्तिगत र टोलीका लागि दोस्रो गोल गर्दै खेललाई २–२ गोलको बराबरीमा ल्याए । ८५औं मिनेटमा भ्लाडीस्लाभले गोल गर्दै पोल्यान्डलाई ३–२ को हार चखाए ।
यस जितले मोल्दोभा ४ खेलबाट ५ अंक जोडेर तेस्रो स्थानमा उक्लिएको छ । पराजित पोल्यान्ड ३ खेलबाट ३ अंक जोडेर चौथो स्थानमा छ । यही समूहको अर्काे खेलमा अल्वानियाले फारोइ आइल्यान्डलाई ३–१ ले पराजित गरेको छ ।
अन्य नतिजा
समूह ‘ए’
नर्वेविरुद्ध साइप्रस (३–१)
स्कटल्यान्डविरुद्ध जर्जिया (२–०)
समूह ‘जी’
बुल्गेरियाविरुद्ध सर्विया (१–१)
हंगेरीविरुद्ध लिथुआनिया (२–०)
समूह ‘जे’
बोस्निया एन्ड हर्जगोभिनाविरुद्ध लक्जेमवर्ग (०–२)
आइसल्यान्डविरुद्ध पोर्चुगल (०–१)
लिचेस्टाइनविरुद्ध स्लोभाकिया (०–१)
June 29, 2024
एजेन्सी – कोस्टा रिकामाथि सहज जित हात पार्दै कोलम्विया कोपा अमेरिका २०२४ को क्वाटरफाइनलमा प्रवेश गरेको छ । कोस्टा रिकालाई ३–० ले पराजित गरेपछि कोलम्वियाले समुह ‘डी’ मा एक खेल बाँकी छँदै अन्तिम आठको यात्रा तय गरेको हो । स्टेट फार्म स्टेडियम ग्लेनडेल एरिजोना अमेरिकामा शुक्रबार राति भएको खेलमा कोलम्वियाको सहज जितमा लुइस डियाज, डाभिन्सन […]
June 28, 2024
सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिगमा साविक विजेता हानामी भरतपुर फुटबल क्लब (विएफसी) ले विजयी सुरुवात गरेको छ । भरतपुर ७ कृष्णपुर मैदानमा शुक्रबार भएको उद्घाटन खेलमा नारायणी फुटबल क्लबलाई २-० ले हराउँदै विएफसीले विजयी सुरुवात गरेको हो । सुमन आले मगर र सागर तामाङ लोप्चनले गोल गरे । खेलको […]
June 28, 2024
काठमाडौ (हाम्रो खेलकुद)- नेपाली राष्ट्रिय महिला फुटबल टोलीले यसै महिना लेबनानमा हुने भनिएको फोर नेसन्स कप नखेल्ने लगभग निश्चित भएको छ। लेबनान फुटबल संघले प्रतियोगिताको तालिका गरिसकेको भएपनि लेबनानमा असुरक्षित रहेको भन्दै टोलीलाई नपठाउनेमा तयारी अखिल नेपाल फुटबल संघ (एन्फा) रहेको बुझिएको छ। ‘बंगलादेशले भाग नलिने भन्ने सुचना प्राप्त भएको छ ।हामीले पनि यो विषय […]