जुरिच (एजेन्सी) – पोर्चुगल र रियल मड्रिडका फरवार्ड क्रिस्टियानो रोनाल्डोले यो बर्षको फिफा बर्ष खेलाडि अवार्ड जितेको छन् । रोनाल्डोले फिफा बर्ष खेलाडिको अवार्ड जितेको यो चौथो पटक हो।  फिफा ब्यालन डो’रमा फ्रान्स फुटबलले हात निकालेपछि फिफाले ‘द बेष्ट’ नामाकरण गरेर नयाँ उपाधिको थालनी गरेको पहिलो पल्टमै रोनाल्डोले सफलता हात परेका छन।   

यसपटक अवार्ड जित्ने क्रममा रोनाल्डोले मेस्सी र एट्लेटिको मड्रिडका एन्टोनी ग्रिजम्यानलाई पछि पारेका थिए । रियलले गत बर्ष च्याम्पियन लिग उपाधि जित्दा रोनाल्डोले विजयी पेनाल्टी गोल गरेका थिए । म्यानचेस्टर युनाइटेडका पूर्व फरवार्ड रोनाल्डोको नेतृत्वमा गत बर्ष पोर्चुगलले पहिलो पटक युरोपियन च्याम्पियनसिपको उपाधि जितेको थियो ।

फ्रान्स फुटबल र फिफाले सन् २०१०देखि संयुक्त रुपमा दिदैं आएको फिफा ब्यालन डो’रमा फ्रान्स फुटबलले हात निकालेपछि फिफाले ‘द बेष्ट’ नामाकरण गरेर नयाँ उपाधिको थालनी गरेको हो।

फिफाले निम्नानुसारको विधाहरुमा उपाधि वितरण गरेको थियो:

‘द बेष्ट’ पुरुष खेलाडी: क्रिस्टियानो रोनाल्डो
‘द बेष्ट’ महिला खेलाडी: कार्ली लोयड
‘द बेष्ट’ पुरुष प्रशिक्षक: क्लाउडियो रेनेरी (लेस्टर सिटी फूटबल क्लब)
‘द बेष्ट’ महिला प्रशिक्षक: सिल्भिया नेइड (जर्मनी)
फिफा फेअर प्ले अवार्ड: क्लब एट्लेटिको नेसनल (उरुग्वे)
फिफा पुस्कास अवार्ड: मोहम्मद फायाज सुब्री (मलेसिया)
फिफा फ्यान अवार्ड: लिभरपुल र् बोरुसिया डर्ट्मुन्ड
फिफा विश्व ११: नेउर; पिके, रामोस, मार्र्सेलो, अल्भेस; मोद्रिच, ईनिएस्टा, क्रुज; मेस्सी, रोनाल्डो, सुअारेज