1 year ago
June 20, 2023
हिमाल खरेल, ओखलढुंगा
कोशी प्रदेश मुख्यमन्त्री कप नकआउट फुटबल प्रतियोगितामा मंगलबार धनकुटा र सुनसरी विजयी भएका छन् । प्रदेश खेलकुद विकास बोर्ड कोशी प्रदेशको आयोजनामा ओखलढुंगाको सिद्धिचरण नगरपालिकास्थित सगरमाथा जनता माविको खेलमैदानमा भइरहेको प्रतियोगितामा धनकुटा र सुनसरी विजयी भएका हुन् ।
पहिलो खेलमा धनकुटाले अर्को पहाडी जिल्ला भोजपुरलाई ५–३ ले हरायो । धनकुटाले अब वार्कओभर पाएको इलामसँग खेल्नेछ । धनकुटाका लागि कुसुम थुलुङ राईले २, विवेक राई, दिपेन शाक्य र वीरेन लिम्बूले समान १ गोल गरे । भोजपुरका लागि अनिश बस्नेत, सन्तोष तामाङ र सौगात राईले गोल गरे ।
खेलमा सुरुवाती अग्रता भोजपुरले लिए पनि सम्हालिन नसक्दा हार व्यहोर्नु परेको थियो । खेलको सातौँ मिनेटमा भोजपुरका अनिशले पहिलो गोल गरेका थिए । १७ औँ मिनेटमा धनकुटाका विवेक राईले गोल गर्दै खेल बराबरीमा ल्याए ।
खेलको २७ औं र ३२ औं मिनेटमा धनकुटाका कुसुमले गोल गर्दै खेल ३–१ को अग्रता बनाए । २ गोलले पछि परेको भोजपुरका लागि ३६ औं मिनेटमा सन्तोषले गोल गर्दै अन्तर घटाउँदै खेल ३–२ मा फर्काए । त्यो पनि धेरै समय टिक्न सकेन । धनकुटाका दिपेन शाक्यले ५७ औं मिनेट र वीरेन लिम्बूले ६२ औं मिनेटमा गोल गर्दै ५–२ को स्थितिमा खेल पुर्याए ।
खेलको ७३ औं मिनेटमा भोजपुरका सौगता राईले गोल गर्दै अग्रता घटाएर खेल ५–३ गोल अन्तरमा पुर्याए पनि जितका लागि पर्याप्त हुन सकेन । खेलको म्यान अफ द म्याच धनकुटाका कुसुम भए । बोर्डका सदस्य सचिव हंशराज वाग्ले र ओखलढुंगा जिल्ला खेलकुद विकास समितिका अध्यक्ष प्रविन श्रेष्ठले कुसुमलाई ४ हजार हस्तान्तरण गरे ।
यसैबीच, आज भएको दोस्रो खेलमा सुनसरीले पाँचथरलाई पराजित गर्यो । सुनसरीले पाँचथरलाई ३–० गोल अन्तरले हराएको हो । सुनसरीले अब तेह्रथुम र खोटाङबीचको विजेतासँग खेल्नेछ । खेलको २५ औँ मिनेटमा सुनसरीका निमा शेर्पाले गोल गर्दै सुरुवाती अग्रता दिलाएका थिए । त्यस्तै, खेलको ४७ औं मिनेटमा योगेन्द्र कार्कीले गोल थप्दै २–० को स्थितिमा पुर्याए ।
खेलको ७२ औँ मिनेटमा शेर्पाले पुनः एक गोल गर्दै सुनसरीको जित पक्का गरे । खेलको म्यान अफ द म्याच दुई गोल गर्ने सुनसरीका शेर्पा भए । उनले ४ हजार रुपैयाँ पाए । प्रतियोगितामा कोशी प्रदेशका १३ जिल्लाको सहभागिता रहेको छ । प्रतियोगिताको विजेताले २ लाख र दोस्रो हुने टोलीले १ लाख रुपैयाँ प्राप्त गर्नेछ ।
त्यस्तै, प्रत्येक खेलको प्लेयर अफ द म्याचलाई ५ हजार रुपैयाँ प्रदान गरिने बोर्डले जनाएको छ । प्रतियोगिताका उत्कृष्ट गोलकिपर, डिफेन्डर, मिडफिल्डर, फरवार्ड, प्रशिक्षक र उच्च गोलकर्तालो पाँच हजार रुपैयाँ र ट्रफी पाउने छन् । प्रतियोगितको फाइनल खेल असार ९ गते हुनेछ । बुधबार झापा र ओखलढुंगा, तेह्रथुम र खोटाङ तथा संखुवासभा र उदयपुरका बीच प्रतिस्पर्धा हुनेछ ।
September 8, 2024
काठमाडौं (हाम्रो खेलकुद) – बार्सिलोना फ्यान क्लब नेपाल (बार्सा नेपाल ) का रूपमा परिचित क्याटलान क्लब एफसी बार्सिलोनाको समर्थक समूहले एफसी बार्सिलोनाको आधिकारिक पेन्या (समर्थक क्लब) को मान्यता प्राप्त गरेको छ । पेन्या बार्सा दी एभरेस्टको नयाँ नाममा क्लबले आधिकारिकता प्राप्त गरेको हो । शनिबार एक कार्यक्रममाझ समर्थक क्लबले आफ्नो दर्ता पूरा भएको उपलक्ष्यमा भेटघाट कार्यक्रमको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]