दिपक न्यौपाने
बुटवल – रुपन्देही जिल्ला फुटबल संघको आयोजनामा मोफसलको प्रतिष्ठित र पुरानो फुटबल प्रतियोगिता तिलोत्तमा गोल्डकप फुटबल प्रतियोगिता १९ औ संस्करण फागुनमा हुने भएको छ । फागुन १२ गते देखि २१ गतेसम्म एन्फा टेक्निकल सेन्टर देबिनगर बुटवलमा हुने प्रतियोगितामा १० टोलीको सहभागिता रहने जिल्ला फुटबल सघ रुपन्देहिका अध्यक्ष दिर्घ बहादुर केसी (कुमार) ले सोमबार आयोजित पत्रकार सम्मेलनमा जानकारी दिए ।

बिजेता टोलीले ५ लाख ५५ हजार ५ सय ५५ रुपैयाँ र दोस्रो हुने टोलीले ३ लाख ५५ हजार ५ सय ५५ रुपैयाँ पाउनेछ । विधागत रुपमा उत्कृष्ट खेलाडी र उत्कृष्ट प्रशिक्षकले समान १५ हजार रुपैयाँ पाउनेछन् । प्रतियोगिताको सर्वोत्कृष्ट खेलाडीले मोटरसाइकल पाउनेछन् ।

१० दिन सम्म चल्ने नकआउटका आधारमा चल्ने प्रतियोगितामा ए डियभिजन क्लब, भुटान र भारतका टोलीको सहभागिता रहने बताइएको छ । अखिल नेपाल फुटबल संघ (एन्फा) ले आफ्नो क्यालेन्डरमा तिलोत्तमालाई समावेश नगरेपछि प्रतियोगिता तोकेकै मितिमा हुने जिल्ला संघका महासचिव लोक पुनले दाबी गरे ।

२०३३ सालबाट सुरु भएको प्रतियोगिता पटक पटक रोकिदै आएको छ । संघले अघिल्लो बर्षबाट नियमित गर्ने क्रममा यो बर्ष पनि आयोजना गर्न लागेको हो । झन्डै ७५ लाख रुपैयाँ खर्च हुने अनुमान गरिएको प्रतियोगितालाई सफलतापूर्वक सम्पन्न बनाउन कुनै कसर नराखिने भन्दै केसीले भने, ‘बुटवल उपमहानगरपालीकाले पनि सहयोग बढाउने आशा गरेका छौ ।

यस क्षेत्रको गहनाको रुपमा रहेको गोल्डकप सम्पन्न गर्न लाखौ रुपैया खर्च हुने भएकाले उद्योगी ,ब्यबसायी ,राजनितिकर्मी, स्थानीय बुद्धिजिबी,तथा सम्पूर्णमा सहयोगका लागि आग्रह गर्दछौं ।’

पत्रकार सम्मेलनमा बुटवल उपमहानगरपालीकाका योजना प्रमुख सुमन श्रेष्ठ,जिल्ला खेलकुद बिकास समितीका अध्यक्ष योग गुरुङ,नेपाल पत्रकार महासघं रुपन्देहिका अध्यक्ष शेरबहादुर केसी, नेपाल खेलकुद पत्रकार मन्च रुपन्देही समन्वय शाखका अध्यक्ष सुमन अधिकारी ,लङ टेनिस सघं रुपन्देहिका महासचिब गोपाल ज्ञवाली लगायतले तिलोत्तमा गोल्डकप सफल र भब्य बनाउन बुटवलबासीको दायित्व रहेको बताएका थिए ।

तिलोत्तमा गोल्डकप र यस्तै अन्य प्रतीयोगीताले बुटवलको खेलकुद पर्यटनलाइ पनि टेवा पुर्याउने व्यक्ताहरुले विश्वास व्यक्त गरे ।