1 year ago
June 19, 2023
एजेन्सी – गोलरक्षक युनाई सिमोन नायक बन्दा अघिल्लो संस्करणको उपविजेता स्पेन युइएफए नेसन्स लिगकाे च्याम्पियन बनेको छ । क्रोएसियालाई सडनडेथमा ५–४ ले पराजित गर्दै स्पेन च्याम्पियन बन्न सफल भएको हो ।
निर्धारित र अतिरिक्त समयमा कुनै गोल निस्कन नसकेपछि खेलको निर्णय टाइब्रेकरबाट लिइदा स्पेनले बाजी मार्न सफल भयो । टाइब्रेकरमा स्पेनका जोसेलु, रोड्री, मिकेल मेरिनो र मार्काे एसेन्सियोले गोल गर्दा एमेरिक लापोर्टालेकाे प्रहार क्रसबारमा लाग्दै बाहिरियो ।
क्राेएसियाका निकोला भ्लासिक, मार्सेलो ब्रोजोभिच, लुका मोड्रिच र इभान पेरिसिचले गोल गर्न सफल हुँदा लोभ्रो माजेरको प्रहारलाई गोलरक्षक युनाई सिमोनले बचाए । त्यसपछि सडन डेथमा क्रोएसियाका ब्रुनो पेटकोभिचको प्रहार स्पेनका गोलरक्षक युनाई सिमोनले बचाउँदा स्पेनका ड्यानिल कार्भाजलले गोल गदै टोलीलाई च्याम्पियन बनाए ।
त्यसअघि फेइजेनुर्ड रोटरडम नेदरल्यान्ड्समा आइतबार राति भएको प्रतिस्पर्धात्मक खेलमा दुवै टोलीले गोलका अवसर सिर्जना गरेपनि सदुपयोग गर्न नसक्दा खेल अतिरिक्त समय हुँदै टाइब्रेकर र साडनडेथमा लम्बिदा स्पेनले बाजी मार्न सफल भयो ।
स्पेन विश्वकप, युरोपेली च्याम्पियनसिप र नेसन्स लिग जित्ने दोस्रो राष्ट्र बनेको छ । यसअघि फ्रान्सले विश्वकप, युरोपेली च्याम्पियनसिप र नेसन्स लिग जितिसकेको छ ।
स्पेनले ११ वर्षपछि पहिलो अन्तर्राष्ट्रिय उपाधि जित्न सफल भएको हो । स्पेनले सन् २०१२ मा युरो कपको उपाधि जितेयता कुनै उपाधि जित्न सकेको थिएन । स्पेनले सन् २०१२ मा युरोकपसँगै २०१० मा फिफा विश्वकप र २००८ मा युरोकप गरी उपाधिमा ह्याट्रिक गरेको थियो ।
यता, स्पेनसँगको हारसँगै क्रोएसिया पहिलो अन्तर्राष्ट्रिय उपाधि जित्नबाट बञ्चित बन्यो । सन् २०१८ मा विश्व उपविजेता बनेको क्रोएसिया २०२२ को विश्वकपमा तेस्रो भएको थियो ।
क्रोएसियाका लागि १६६औं अन्तर्राष्ट्रिय क्याप पूरा गरेको ३७ वर्षीय भेट्रान कप्तान तथा मिडफिल्डर लुका मोड्रिचलाई उपाधि जित्ने मौका रहेपनि टोली चुक्न पुग्यो । पूर्व बालोन डी’ओर विजेता मोड्रिचले यसै साता आफ्नो अन्तर्राष्ट्रिय भविष्यको बारेमा घोषणा गर्ने तयारी गरेका छन् । तर, उनले अर्काे वर्ष जर्मनीमा हुने युरोपेली च्याम्पियनसिप खेल्ने सम्भावना छ ।
पहिलो संस्करणमा पोर्चुगल तथा दोस्रो संस्करणमा फ्रान्स च्याम्पियन बनेको थियो । त्यसअघि आइतबार राति नै नेदरल्यान्ड्समाथि ३–२ को रोमाञ्चक र प्रतिस्पर्धात्मक जित निकाल्दै इटालीले नेसन्स लिगमा तेस्रो स्थान हासिल गरेको छ ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]