1 year ago
June 17, 2023
एजेन्सी – विश्व उपविजेता फ्रान्सले युरो छनोटको तेस्रो राउन्डको खेलमा सहज जित हात पारेको छ । लगातार तेस्रो जित निकाल्ने क्रममा फ्रान्सले जिब्राल्टारमाथि ३–० को सहज जित दर्ता गरेको हो ।
पोर्चुगलमा शुक्रबार राति भएको खेलमा फ्रान्सको सहज जितमा ओलिभर जिरुड र केलियन एमबाप्पेले गोल गर्दा एक गोल उपहार पाएको थियो ।
खेलको तेस्रो मिनेटमा नै ओलिभ जिरुडको गोलबाट फ्रान्सले १–० को अग्रता लिन सफल भयो । उनले किङ्सले कोमानको पासमा गोल गर्न सफल भएका थिए ।
पहिलो हाफको इन्ज्युरी समयको थप गरिएको तेस्रो मिनेटमा एमबाप्पेले पेनाल्टीमा गोल गर्दै फ्रान्सको अग्रता दोब्बर पारे ।रोएचिपोलिनाले पेनाल्टी बक्समा हातले बल छुन पुगेपछि रेफ्रीले भिएआरको सहायतामा फ्रान्सलाई पेनाल्टी प्रदान गर्दा एमबाप्पे चुकेनन् । ७८औं मिनेटमा एमेन मोउलेहीले आत्मघाती गोल गोल गरेपछि फ्रान्सले खेल सहजै आफ्नो पक्षमा पार्न सफल भयो ।
यस जितसँगै लगातार तेस्रो जित निकालेको फ्रान्स समूह ‘बी’ मा ३ खेलबाट ९ अंक जोडेर शीर्षस्थानमा रहेको छ । पराजित जिब्राल्टर अंकविहीन हुँदै पुछारमा छ । ग्रीसको ६ तथा नेदरल्यान्ड्सको ३ अंक छ ।
यही समूहको अर्काे खेलमा ग्रीसले आयरल्यान्डलाई २–१ ले पराजित गरेको छ । ग्रीसको जितमा एनस्टासिओस बाकासेटास र जिओरगोस मासोउरसले गोल गर्दा आयरल्यान्डका नाथन कोलिन्सले एक गोल फर्काए । यस जितले ग्रीस दुई खेलबाट ६ अंक जोडेर दोस्रो स्थानमा उक्लिएको छ । पराजित आयरल्यान्डले अंकको खाता खोल्न सकेको छैन ।
July 5, 2024
एजेन्सी – इक्वेडोरलाई पेनाल्टी सुटआउटमा पराजित गर्दै अर्जेन्टिना कोपा अमेरिका २०२४ को सेमिफाइनलमा प्रवेश गरेको छ । गोलरक्षक इमिलियानो मार्टिनेजले पेनाल्टी सुटआउटमा दुई वटा पेनाल्टी बचाउँदै ४-२ को जित निकालेपछि शुक्रबार अर्जेन्टिना लगातार पाँचौं पटक सेमिफाइनलमा प्रवेश गरेको हो । कोपा अमेरिकामा क्वाटरफाइनल र सेमिफाइनलमा बराबरीको खण्डमा खेल सिधै पेनाल्टी सुटआउटबाट निर्धारण हुने प्रावधान छ […]
July 5, 2024
एजेन्सी – बाल्यकालमा केलियन एमबाप्पेले आफ्नो कोठाको भित्तामा क्रिस्टियानो रोनाल्डोको तस्विर राखेका थिए । फ्रान्सेली फुटबल टोलीका कप्तान समेत रहेका एमबाप्पे अहिले फुटबलको चर्चित नाम बनिसकेका छन् । उनै एमबाप्पेले आफ्नो बाल्यकालका स्टार रोनाल्डोको कप्तानीमा रहेको पोर्चुगल विरुद्ध युरो कप २०२४ को क्वाटरफाइनलमा खेल्दैछन् । युरो २०२४ को क्वाटरफाइनलमा फ्रान्स र पोर्चुगल आमनेसामने हुँदा रोनाल्डो […]
July 4, 2024
एजेन्सी – अर्जेन्टिनाका स्टार फरवार्ड तथा कप्तान लियोनेल मेस्सीले अमेरिकामा जारी कोपा अमेरिका २०२४को क्वाटरफाइनल खेल खेल्ने / नखेल्ने शंका रहेको छ । चोटका कारण मेस्सीले इक्वेडोर विरुद्धको क्वाटरफाइनल खेल्ने निश्चित नरहेको विभिन्न अन्तर्राष्ट्रिय सञ्चार माध्यमले जनाएका छन् । अर्जेन्टिना र इक्वेडोर बीचको क्वाटरफाइनल खेल शुक्रवार बिहान हुँदैछ । मेस्सीले गत साता चिली विरुद्धको समूह […]