1 year ago
June 11, 2023
एजेन्सी – म्यानचेस्टर सिटीले युरोपेली च्याम्पियन्स लिग उपाधिको लामो प्रतीक्षा अन्त्य गरेसँगै विश्व फुटबलमा निकै कठिन मानिने ‘ट्रेबल’ सफलता पनि हासिल गरेको छ । एकै सिजनमा तीन उपाधि जित्ने कठिन उपलब्धि हासिल गर्ने क्रममा सिटीले इन्टर मिलानलाई च्याम्पियन्स लिगको फाइनलमा हराएको हो ।
यसअघि छिमेकी प्रतिद्वन्द्वी म्यानचेस्टर युनाइटेडलाई हराउँदै एफए कप जितेको सिटीले प्रिमियर लिगमा आर्सनलको कडा चुनौतीलाई पछि पारेको थियो । यसअघि पनि घरेलु प्रतियोगितामा वर्चस्व जमाएको सिटीले च्याम्पियन्स लिगमा सोचेजस्तो नतिजा निकाल्न सकेको थिएन । तर शनिबार फाइनलमा सिटीले अपेक्षित प्रदर्शन नगरेपनि नतिजा हासिल गर्यो ।
स्पेनिस मिडफिल्डर रोड्रीले ६८ औं मिनेटमा गरेको गोल नै सिटीको जितमा निर्णायक सावित भयो । उनले रिबाउन्डमा आएको बलमा गरेको शक्तिशाली प्रहार इन्टरको डिफेन्स लाइन र गोलरक्षक बिट गर्न सफल भएको थियो ।
सिटीको उपाधिसँगै प्रशिक्षक पेप गुआर्डीओलाले पनि आफूलाई विश्वकै सर्वाधिक सफल मध्यको प्रशिक्षकमा स्थापित गरे । उनले बार्सिलोनामा जितेको दुई च्याम्पियन्स लिग उपाधिमा अर्को पंक्ति थपे । तर उनलाई दोस्रो बाट तेस्रो उपाधि जित्न १२ वर्ष लाग्यो ।
गुआर्डीओला सर एलेक्स फर्गुसनपछि प्रिमियर लिग टोलीलाई ट्रेबल जिताउने प्रशिक्षक पनि बने । यसअघि फर्गुसनले म्यानचेस्टर युनाइटेडलाई सन् १९९८/९९ सिजनमा यो उपलब्धि दिलाएका थिए । युरोपमा पछिल्लो पटक इन्टर मिलानले यो उपलब्धि सन् २०१० मा हासिल गरेको थियो ।
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
काठमाडौं(हाम्रो खेलकुद) – साविक विजेता एपिएफले एन्फा महिला लिग २०२४ मा पहिलो जित दर्ता गरेको छ । एन्फा कम्प्लेक्स सातदोबाटोमा शनिवार भएको खेलमा एपिएफले आर्मीलाई २-१ को गोल अन्तरले पराजित गर्यो । एपिएफको जितमा सविता राना मगर र गीता रानाले गोल गरिन् । आर्मीका लागि विमला चौधरीको गोल सान्त्वना बन्यो । खेलको सुरुवातमा आर्मीले खेलमा […]
September 7, 2024
काठमाडौं(हाम्रो खेलकुद)- एन्फा महिला लिगमा आज एक खेल हुँदैछन् । एन्फा कम्प्लेक्स सातदोबाटोमा हुने खेलमा दुई विभागीय टोली त्रिभुवन आर्मी फुटबल क्लब र नेपाल एपिएफ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ । एपिएफ पहिलो जितको खोजीमा रहँदा आर्मी भने लगातार दोस्रो जितको लक्ष्यका उत्रनेछ। पहिलो खेलमा संकटा क्लबलाई त्रिभुवन आर्मीले पराजित […]