काठमाडौं (हाम्रो खेलकुद) – च्याम्पियन टोली चर्च ब्वाइज युनाइटेडका कप्तान अनन्त तामाङ सहिद स्मारक ए डिभिजन लिग २०७९ को सर्वोत्कृष्ट खेलाडी चुनिएका छन् ।

अनन्तले लिगको सर्वोत्कृष्ट खेलाडी बनेसँगै ३ लाख रुपैयाँ प्राप्त गरे । अनन्तले लिगको २२ खेल खेल्दै ४ गोल गरेका थिए । टोलीले लिग अवधिभर ११ खेलमा क्लिन सिट राख्दा उनको भूमिका महत्त्वपूर्ण थियो ।

अवार्डतर्फ क्यामरुनका गोलरक्षक एभ्स प्रिसो उत्कृष्ट गोलरक्षक बनेका छन् । त्यस्तै थ्री स्टार क्लबका युवा मिडफिल्डर लाकेन लिम्बुले मणि शाह उदीयमान खेलाडी अवार्ड प्राप्त गरे । स्वर्गीय राष्ट्रिय खेलाडी मणि शाहको सम्मानमा लिगको उत्कृष्ट युवा खेलाडीलाई यो अवार्ड प्रदान गरिंदै आएको छ ।

प्रिसोले लिगमा सर्वाधिक क्लिन सिटको उपलब्धि समेत हासिल गरेका थिए । उनले २४ खेलमा ११ क्लिन सिट राख्दा १३ गोल खाएका थिए । उनले चर्च ब्वाइजको उपाधि यात्रामा महत्त्वपूर्ण भूमिका निर्वाह गरे । प्रिसोले २ लाख रुपैयाँ पाए ।

यता लाकेनले लिगको सबै २६ खेलमा सुरुवात गरेका थिए । उनले ३ गोल र ४ असिस्ट प्रदान गरेका थिए । उनले १ लाख ५० हजार रुपैयाँ पाए ।

नेपाल पुलिस क्लबले फेयर प्ले अवार्ड जित्यो । पुलिसले पनि २ लाख प्राप्त गर्यो ।

त्यस्तै ओलावाले आफिजले २३ गोल गर्दै सर्वाधिक गोलकर्ताको उपाधि जिते । उनले २ लाख रुपैयाँ प्राप्त गरे ।