2 years ago
June 10, 2023
काठमाडौं (हाम्रो खेलकुद)– मध्यपुर युथ एसोसिएसनले सहिद स्मारक ए डिभिजन च्याम्पियन चर्च ब्वाइज युनाइटेडका प्रशिक्षक बालगोपाल महर्जनलाई सम्मान गरेको छ । एसोसिएसनले शनिबार आयोजना गरेको ग्रासरुट फुटबल अभियान उद्घाटनका अवसरमा महर्जनलाई सम्मान गरेको हो ।
मध्यपुर थिमीस्थित एसोसिएनको कार्यालयमा शनिबार आयोजित कार्यक्रमबीच मध्यपुर नगरपालिकाका मेयर सुरेन्द्र श्रेष्ठले महर्जन सम्मान पत्र हस्तान्तरण गरेका थिए । शनिबार सम्पन्न हुने लिगमा चर्च ब्वाइजले आफ्नो अन्तिम खेल अघि नै लिग उपाधि जितेको थियो ।
चर्च ब्वाइजले ए डिभिजन खेलेका पहिलो सिजनमै उपाधि जितेको हो । महर्जनको प्रशिक्षकका रुपमा पहिलो ए डिभिजन लिगको उपाधि हो । महर्जन समकालिन प्रशिक्षकमा सबै भन्दा सफल प्रशिक्षक हुन् । उनले यू १९ टोलीलाई साफ च्याम्पियनसिप, राष्ट्रिय टोलीलाई बंगबन्धु गोल्डकप र थ्री नेसन्स कप, यू २३ लाई १३ औं दक्षिण एसियाली खेलकुदमा स्वर्ण पदक र काठमाडौं रेजर्सलाई नेपाल सुपर लिगको उपाधि दिलाएका थिए ।
मध्यपुर युथ एसोसिएसनका अध्यक्ष तथा नेपाली राष्ट्रिय फुटबल टोलीका पूर्व कप्तान उपेन्द्रमान सिंहले अभियान अन्तर्गत सुरुवातमा साप्ताहिक रुपमा आधारभुत फुटबल प्रशिक्षण दिने, लिग प्रतियोगिता सञ्चालन गर्ने र क्षमतावान खेलाडीलाई एकेडेमीमै राखेर थप प्रशिक्षणको ब्यवस्था मिलाइने जानकारी दिए ।
साप्ताहिक रुपमा हरेक शनिबार डेढ घण्टाका दरले फुटबल सिकाइने र अहिले ६ देखि १३ वर्षसम्मका १सय १० जना बालबालिका रहेको एसोसिएसनले जनाएको छ । उनीहरुलाई उपेन्द्रमान सिंह, लिग च्याम्पियन चर्च ब्वाइज युनाइटेडका प्रशिक्षक बालगोपाल महर्जन, राष्ट्रिय टोलीका पूर्वकप्तान राकेश श्रेष्ठ, राष्ट्रिय टोलीका पूर्व रक्षक तथा प्रशिक्षक राजेश मानन्धरसहित थप १२ जना प्रशिक्षकले प्रशिक्षण दिने बताइएको छ ।
March 17, 2025
हिमाल खरेल, बिर्तामोड नेपाल सुपर लिग (एनएसएल) ट्रफी झापाका विभिन्न स्थानमा प्रदर्शन गरिएको छ । काठमाडौंमा चैत १६ गते सुरु हुने एनएसएलको ट्रफी आज झापा जिल्ला खेलकुद विकास समितिअन्तर्गत मेची रंगशाला भद्रपुरमा प्रदर्शन गरिएको झापा तथा भद्रपुर झापा गोल्डकपका सचिवालयले जानकारी दिइएको छ। रंगशाला परिसरमा आयोजित ट्रफी प्रदर्शनी कार्यक्रममा समितिका अध्यक्ष प्रशान्त भण्डारी, नेपाल उद्योग […]
March 17, 2025
काठमाडौं (हाम्रो खेलकुद)- एएफसी एसियन कप छनोट र मैत्रीपूर्ण खेलका लागि २३ सदस्यीय राष्ट्रिय फुटबल टोलीको घोषणा भएको छ। अखिल नेपाल फुटबल संघ (एन्फा) का अनुसार टोलीका मुख्य प्रशिक्षक म्याट रोसले सोमवार टोलीको घोषणा गरेका हुन्। गोलरक्षक अञ्जल श्रेष्ठ, डिफेन्डर रक्षक सुमन श्रेष्ठ र स्ट्राइकर सुवास बम ठकुरी पहिलो पटक राष्ट्रिय टोलीमा स्थान बनाउन सफल […]
March 17, 2025
काठमाडौं (हाम्रो खेलकुद)- ललितपुर सिटी एफसीबाट नेपाल सुपर लिग (एनएसएल) खेल्न सेनेगलका पापे अब्दुलाह देकिते सोमवार काठमाडौं आइपगेका छन् । ३२ वर्षिय देकितेले फुटबल करियर विभिन्न अन्तर्राष्ट्रिय क्लबबाट खेलिसकेका छन्। उनले अफ्रिका, एसिया, र अन्य महादेशका विभिन्न लिग खेलेका छन्। उनले भियतनामको टप डिभिजन लिग भि वान लिग समेत खेलेका छन् । देकितेले गत वर्ष […]