धनगढी (हाम्रो खेलकुद) – आयोजक सुदूर पश्चिम ११ स्पोर्टस् क्लब प्रथम अन्तराष्ट्रिय आमन्त्रित सुदूरपश्चिम खप्तड गोल्डकप फुटबल प्रतियोगिताको सेमिफाइनलमा पुगेको छ ।

धनगढी रगशालामा आइतबार भारतको पन्जाब ११ लाई ५–० को फराकिलो अन्तरले हराउँदैसुदूरपश्चिम अन्तिम चारमा पुगेको हो । घरेलु टोलीको जितमा मनिराम चौधरीले ह्याट्रिक गरे भने प्रयण्य अन्जान र सुमीत दुवेले समान १ गोल गरे । १४ औं मिनेटमा पहिलो गोल गरेका मनिरामले ४३ औं मिनेटमा अर्को गोल थपे । ५९ औं मिनेटमा तेस्रो गोल गर्दैै उनले ह्याट्रिक पुरा गरे । म्यान अफ द म्याच घाषित मनिराम चौधरीलाई नगद रु ५००० प्रदान गरिएको छ । सुमितले ३८ औं र प्रयण्यले इन्जुरी समयको पहिलो मिनेटमा गोल गरेका थिए ।

सुदूरपश्चिमका कप्तान गजेन्द्र शाहीले खेलाडीको समन्वय र मेहनतले जित प्राप्त गर्न सmल भएको बताए । अर्को तिर पञ्जाबका कप्तान कप्तान रिमी मेहराले टोलीले तालमेल गुमाएको बताए । माघ १ गतेसम्म चल्ने प्रतियोगिताको विजेताले उपाधिसहित ५ लाख र दोस्रो हुने टोलीले २ लाख ५१ हजार रुपैयाँ पाउनेछन् ।

खप्तड गोल्डकपमा सोमबारको खेल:
सिएमजी क्लब संकटाविरुद्ध जगदम्बा लुम्बिनी
दिल्ली युनाइटेडविरुद्ध सहारा क्लब, पोखरा